Subject: | |
From: | |
Reply To: | |
Date: | Sun, 24 Jan 1999 21:42:21 +0100 |
Content-Type: | text/plain |
Parts/Attachments: |
|
|
Benvenite, Matijas,
Con interesse le membros del gruppo INTERLNG expecta
leger un presentation de te: que es tu nationalitate, domicilio,
interesses etc.? Per un tal breve "curriculo de vita" tu ha le
occasion de exercitio in Interlingua quotidian.
Vidente tu nomine (pseudonymo?) Matijas, io pensava que iste
nomine es lituan o latvian, sed io non sape. Qual manual de
Interlingua ha tu a tu disposition?
Io scribe pro responder a tu question: No, non le romanophonos
es in majoritate inter le interlinguistas, sed le scandinavos. Nos
membros de parve populos besonia un facile medio de
communication e interlingua es multo practic proque nos pote
usar Interlingua in contactos con romanophonos, mesmo si
illes non sape lo que Interlingua es!
Io ha inseniate Interlingua durante vinti-cinque annos in le gymnasio
svedese como un parte de un subjecto "Cognoscentia general
de linguas" (melior nomine: Vocabulario international).
Le dece-quarte (14-e) Conferentia International de Interlingua
habera loco in Focsani, Romania le 25 - 31 de julio iste anno.
A revider,
Ingvar, secretario del Societate Svedese pro Interlingua
Ingvar Stenström,
Vegagatan 12, S-432 36 Varberg, Svedia
Tel. +46-/0/340-15053
<[log in to unmask]>
<[log in to unmask]> <[log in to unmask]>
<http://www.interlingua.com>
ICQ UIN nr. 26993308
|
|
|