Subject: | |
From: | |
Reply To: | INTERLNG: Discussiones in Interlingua |
Date: | Thu, 26 Feb 1998 19:20:18 -0800 |
Content-Type: | text/plain |
Parts/Attachments: |
|
|
Martin Lavallee wrote:
>
> Ubi son le ecclesias christian qui comprende le message real del
> christianismo, a saper le unitate essential del humanitate?
In veritate, isto non es le message de christianismo. In facto, le message
es le opposito. Secundo le Biblia, le unification del humanitate sub le reger
de un governamento mundial es un signo del fin del mundo.
Si tu cerca un ecclesia que appoia le unitate essential del humanitate e anque
condemna
> le racismo sin ambiguitatetu debe examinar le ecclesia unitari-universalista. Le unitari-universalistas
era, initialmente, christianos que credeva al unitate de Deo (e non al trinitate)
e in le salvation universal (e non le peccato original). Ma hodie, illes son
vermente universalistas qui crede al unitate de Deo, que Deo es UN, e que tote deos
son Deo e Deo es tote deos e nulle deo del toto. Illes crede que cata persona debe
cercar le veritates spiritual pro se ipse e sequer su proprie corde, que es su ligamine
a Deo.
Ecce...
Le Principios Unitari-Universalista.
Nos, le membro congregationes del Association Unitari-Universalista, face
un convention affirmar e promover:
Le valor inherente e le dignitate de tote personas;
Justitia, equalitate e compassion in relationes
human;
Acceptation del un le altere e incoragiamento del
crescimento spiritual in nostre congregationes;
Un cerca libere e responsabile del veritate e del
signification;
Le derecto del conscientia e le uso del processo
democratic intra nostre congregationes e in societate
in general;
Le scopo de communitate mundial con pace,
libertate e justitia pro totos;
Respecto pro le tela interdependente del toto de
existentia del qual nos son un parte.
Un altere confession christian que appoia le pace mundial es le Quakers.
Proque le thema del discussion durante le ultime dies passate ha essite
religion e spiritualitate, io vole invitar vos omne a visitar mi pagina
domestic le qual io travalia a construer sub mi pseudonymo LeCorde a
http://www.geocities.com/westhollywood/heights/4617/menu.htm .
Gratias,
Paul-David
|
|
|