>Kjell,
>  Lo que vos dice es incredibile.  Esque vos es secur que le lege se applica
>a criticas de un altere persona inviate a un tertie pais?  O es le lege
>intendite prevenir le dissemination de informationes personal e private
>(como die natal, numero identificative, adresse, etc.)?
>
>  Vos debe laborar pro establir un lista de derectos e un constitution
>que mantene le libertate e un corpore legislative electe per le populo.
>
>Stan Mulaik

Si, il non-equivocamente es scripte que le lege se applica a sitos del Tela
e  messages a gruppos de UseNet.

Il es obvie que le cives (citatanos) in le Union debe colleger se pro
conbatter le dictatura de un elito (io scribe -o ben cognoscente que le
parola es del francese e se appella _elite_ in interlingua, ma io lo ha
interlinguificate in ille maniera) politic.

Io pensa que il se tracta de un differentia de cultura politic. In le
paises scandinave nos ha habite un regula de _publicitate_ que significa
que cata citatano ha le derecto de leger tote le documentos in le
administration, como litteras al governamento, propositiones communal,
sententias del corte etc. Le "transparentia" que le Union Europee proba
facer credibile que illo introduce es un transparentia del typo que toto es
secrete salvo isto que le burocrates vole publicar.

Decisiones politic pote esser percolate al jornalistas e in iste maniera
attinger le publico, e le politicos habera un corte de jornalistas
confidentes que divulga lo que ille politicos vole que le publico sape.
Isto es un situation multo insan, e io crede que le "radices herbal" in
tote le Union debe conbatter isto pro haber un plus grande apertura, un ver
transparentia in le ver signification del parola.

 Lo terribile es que ille qui vole - un servicio clandestin de un altere
pais pro exemplo - pote certo sin problemas comprar informationes de mi
dato de nascentia, stato economic, numero de maritages sin consideration
del leges.

Le lege del qual io scribe es dirigite contra le derecto del cive
individual. On vole transformar le population in un numero de simias que va
protestar jectante olivos putride o ovos al politicos. Tunc on sape que on
pote facer lo que on vole e on habera un docile populo que tace e paga su
taxas.

Lo contravention de ille ideas de burocratura debe esser combattite per le
populos in _omne_ (tote le) paises del Union. Si on non face isto essera
multo disagradabile. In le pessime caso nos nos approxima a un dictatura
neosvietoide.






[log in to unmask]
Kjell Rehnstroem
Vaenortsgatan 87
S-752 64  UPPSALA
Svedia - Sweden