Pawel,
   Ben venite a INTERLNG, nostre gruppo de discussiones IN interlingua.
Vostre interlingua es multo bon. Quanto studio de interlingua ha vos
facite?

   Io me rememora legente un libro antique per Voltaire super le vita del
svedese regno Gustavo Adolphus in que ille mentiona que in le 17me seculo
le latino esseva parlate multo in le casas de polonia.  Mesmo le
cocos in le casas del nobilitate parlava le latino.  Possibilemente isto
ha habite un influentia latin super le polonese?

   Il ha multe usos pro interlingua.  Pro multe de nos, illo es un
fonte de nostre hereditage linguistic.  Proque le methodos de constatar le
formas standardizate del vocabulario international es alquanto objective,
nos gaudia de discuter le base pro varie parolas in nostre dictionarios, e
a vices nos mesmo corriger los.  In le processo nos apprende multe
etymologia.

Stan Mulaik