Salute a vos qui vole adjutar Martin Lavallée in le "guerra"
del lista esperantistic! Ecce, Martin, alcun factos ab
un svedese.
LATINITATE IN LE VOCABULOS DEL SCIENTIAS
Le correspondente de Marin Lavallée face le assertion que le
populos germanic non es adjutate per le latinitate in lor linguas
quando illes vole trovar qual vocal debe preceder le final del
infinitivo, que es sempre e solmente -r.
Contrari al assumptiones popular le linguage scientific del germano
non es "puristic" sed tanto latin como le altere linguas occidental.
On non dice - como se crede ;-) -
"Gesundheitswiederherstellungsmittelszusammenmischungssachkündiger"
sed "Apotheker", que es greco + le suffixo german -er.
Lege un numero del septimanal "Der Spiegel" - que tamen non es
un magazin scientific - e nota le abundantia del parolas latin e grec.
Germania es - del resto - un del poc paises ubi le latino es ancora
studiate
vastemente e durante multe annos, benque in extension diminuente.
In germano e in le linguas scandinave (danese 5 milliones, norvegiano 4 e
svedese 9 milliones) il es multo facile deducer ex derivationes
qual vocal debe preceder le -r del infinitivo de Interlingua.
(In germano le infinitivo fini per -en, in svedese in
general per -a. Vocabulos estranier, que le plus sovente ha venite via le
francese,
es precedite per -ier-, respectivemente -er-).
In substantivos e adjectivos on vide le "vocal thematic":
Germano:
DerivAtion explica a nos que le verbo in I-a es derivAr
kombinieren, KombinAtion > combinAr
EmigrAnt > emigrAr
Politur > polir, politura
abstinEnt > abstinEr .... und so weiter/etc...
Svedese:
observAtorium explica a nos que le verbo in I-a es observAr
konsekvEnt, sekvens > sequEr
addera, addITion > addEr, addITion
auditiv > audIr
definiera, definItion > definIr, definItion
dirigera, dirigEnt > dirigEr, dirigEnt
direktor, direktion, direktiv > director, direction, directiva
revidera, revision > revidEr, revision (< re+vid+s+assimilation+ion)
...och så vidare.../etc.....
Le correspondente de Martin Lavallée probabilemente non v o l e
saper que mesmo in Asia le latinitate se incontra frequentemente
in le scientia, proque le facto es que multissime scientistas de Asia
scribe
lor obras in linguas occidental. Sed isto es un altere cosa.
Salutes amical,
Ingvar
Ingvar Stenström,
Vegagatan 12, S-432 36 Varberg, Svedia
Tel. +46-/0/340-15053
<[log in to unmask]>
<[log in to unmask]> <[log in to unmask]>
|