Anne,
le filatelistas cognosce _Helvetia_. Iste parola era scribite sur le timbros
postal (al minus le ulime vice que ego recipeva un littera de Suissa). Il
sembla rational supponer que on seligeva le nomine latin pro non deber
plener le timbros per le nomine del pais e nulle picturas. 

Le helvetos era un populo qui viveva ibi durante le tempores del Imperio Roman. 

A mi aviso le sol lingua national que usa Helvetia in nostre dies es rumano.
On dice Helvet,ia (le comma es un cedilia del _t_). 

Pro nos nordicos (le finnos incluse) il es facile memorar le nomine
_Helvetia_ viste que illo sona como nostre parola pro _inferno_ - compara
svedese _helvete_. In le publico general - al minus in Svedia - iste
connotation non es clar, viste que le parola que on cognosce es le german
_Schweiz_ con le qual on ha problemas proque on non sape ubi il ha _sh_ si
al comencio o al fin! Ego ha mesmo audite ministros dicente _Sveitsh_ (non
nostre premier Göran Persson, sed il ha alteres). 
Kjell Rehnstroem    
Vaenortsgatan 87      
S - 75264 Uppsala
email: [log in to unmask]