[ Kjell ]
Un amusante exemplo es le Patrino (The Godfather) ubi on vide el evolution
de un bandita a un familia de honor in le tertie generation!

[ Pfaff ]
Io vide le historia del Patrino exactemente inversamente.  Le prime
patrino, Don Vito Corleone (nascite Andolini), era le homine de honor, in
mi opinion.  Ille luctava pro proteger su familia e su "amicos".  Ille
provideva "justicia" quando le systemas official del governamento non lo
provideva.  In su corde ille era un homine intelligente, amicabile, e con
"principios".   Su comprension del mundo veniva ex su juventute e le
experientias del assassinatos de su patre, matre, e fratre.  In le
realitate in lo que ille se trova, le violentia era un cosa natural e
necessari.  Como racontate in le libro e le film, le tote problema al fundo
del "guerra inter le familias del mafiosi in le 1950's"  comenciava proque
le "moralitate" de Don Vito non permitteva lo a ingagiar su familia in
narcotraffico.  Vender narcoticas al juvenes non era compatibile con su
"nobilitate".  Era dishonorabile.

Ma le tragedia del historia se trova in le processo per lo que le integre
familia del Don (tres filios e un filia) es destruite per le societate
criminose e immoral in lo que le patre habeva debite superviver.  Le filio
major, Santino (Sonny), se disvellopa a in un homine forte, ma violente e
ordinari. Ille manca le intelligentia e disciplina de su patre e trova su
fin in violentia.  Le filio medie , le amabile Fredo, es un parve homine
debile, sin o le fortia de su fratre o le sagessa del patre.  In un familia
normal e in un societate normal on expectarea que un homine como ille
haberea un vita simple e pacibile como le majoritate del humanos.  E ecce
de facto al fin de su vita que Fredo arriva a le vita felice que passa a su
natura.  Ille ama facer le pisca.  Su fato accentua le qualitate tragic del
historia Corleone.  Le filio minor, le tenebrose Michael, es le centro del
tragedia.  Ille ha le bon qualitates de su patre--intelligentia, corage,
moralitate.  Ille ha se separate ab le "negotio" del familia.  Ille ha
retornate ex le guerra como hero.  Ille ama un femina qui pertine al le
societate general e non al societate malade del mafiosi.  Ille es le
renascentia del Andolinis e le sperantia pro que su patre habeva luctate.
Ma le circumstantias conspira a lo recapturar, a lo invenar, e al fin a
destruir su amor e su familia.  On observa etiam como ille ipse es
gradualmente destruite moralmente usque al momento quando ille manda le
assassinato de su propie fratre.  Michael non mori como su fratres, sed
supervive.  Ma ille ha perdite su anima.  Le vetule Don habeva vengiate se
contro le assassino del fratre.  Ma Michael ipse deviniva le assassino del
sue!

-- frank