IDEAS INTIME (fragmento)
(A'lvares de Azevedo)

Oh! Haber vinti annos sin fruer minimemente
le ventura de un anima de donzella!
e sin in le vita haber jammais sentite
in le suave attraction de un rosee corpore
mi oculos turbide clauder se de delecto!
Oh! In mi sonios, per le noctes mie,
passa tante visiones super mi pectore!
Pallor de febre mi facie coperi,
batte mi corde con tante foco!
Un dulce nomine mi labios suspira,
un nomine de femina... e io vide, languide,
in le velo suave de amorose umbras,
seminude, abbattite, le mano al sino,
perfumate vision rumper le nube,
seder se a mi latere, in mi palpebras
le halito leve e fresc como le vita
passar deliciose... Que delirios!
Io evelia palpitante... ancora la cerca;
In van io la appella, in van mi lacrimas
bania mi oculos, e io suspira e geme...
Io implora un illusion... toto es silentio!
Solo le lecto deserte, le sala mute!
Amorose vision, femina del sonios,
io es tanto infelice, io suffere tanto!
Nunquam venira tu illuminar mi pectore
con un radio de luce de ille oculos tue?
--
   ENSJO : EMERSON JOSE' SILVEIRA DA COSTA
  E-mail : mailto:[log in to unmask]
Homepage : http://www.nautilus.com.br/~ensjo/
Addresse : Conj. Panorama XXI, Q. 26, C. 14
           Nova Marambaia
           66625-280 Belem - Para - Brasil
Telephono: (091) 231-5740 // +55 91 231 5740