Bon die Ingvar,
Janne me ha dicite que vos ha habite contactos personnal con plure
personas in IALA, particularmente A. Gode. De iste facto, io desira
transmitter vos mi opinion in re alicun articulos qui son scribite in le
nove sito Interlingua.com.
Le prime articulo es de Estehill e concerne le hypothesa "Sapir-Whorf":
http://www.interlingua.com/benjamin.htm
Iste articulo face un presentation positive del hypothesa "Sapir-Whorf".
Personalmente, io rejecta totalmente iste hypothesa, pro rationes ethic
e scientific (io ha jam studiate plus de cinque annos le linguistica al
Universitate de Sherbrooke, e nunc io scribe un thesa pro le secunde
cyclo universitari in le campo del syntaxe)
io me senti multo embarrassate que Interlingua es connectite
con iste hypothesa qui es basate sur un vista raciste, sexiste e
irational. Io voleva presentar (per e-posta)
Interlingua.com al Universitate de Lausanne in Suissa, ma io non pote
facer isto, proviste que le articulo hic supra remane, e proviste que io
non sape le position official de UMI in re le hypothesa de Sapir-Whorf.
Il ha multo personnas qui face un labor meraviliose con interlingua
(Paolo, Ensjo, Simona, Florin...) e io ha un admiration grande pro isto.
Ma esque il ha linguistas qui labora etiam ? Io es surprendite del
articulo de Ferenk in le ultime message de Piet (interlingua
interromance, ) e de iste altere articulo in
interlingua.com :
http://www.interlingua.com/principi.htm
qui es scribite per Alexander Gode.
Lo que scribe Gode in re le relation vocabulario-grammatic e in re le
regulas de grammatic non es bon (io volerea dicer, illo es multo
mal...). Como io labora in le campo del syntaxe, illo es
embarrassante pro me.
Io pensa que si un persona non ha un formation linguistic, ille o illa
forsan non ha le possibilitate de considerar isto con un bon vista
critic. Esque il ha un consilio de UMI qui se carga del natura del
articulos qui pote esser ponite in Interlingua.com, de un puncto de
vista ethic e de un puncto de vista linguistic ?
Io ama interlingua multo, e io volerea que mi message sia un critico
constructive,
Amicalmente,
Anne
|
