[ Kjell ]
Ante alcun tempore ego audiva un programma del radio in re le gnosticismo
que me multo interessava, proque illo lo explicava in un altere maniera que
ego habeva imaginate.

[ Frank ]
Gnosticismo?  Interessante parola.  Esque tu lo usa como le opposite de
"agnosticismo"? Io memora haber legite in cursos de historia super gruppos
"gnostic".  Tal gruppos habeva un systema al centro del qual era alique
"coGNOSCentia special".  In le passato tal gruppos habeva sovente le
apparentia de ecclesias.  In nostre mundo secular nos vide plure cultos que
clama haber lor "coGNOSCentia" special.  Per exemplo, le povre gruppo de
suicidates que possedeva lor "coGNOSCentia" del nave spatial celate in
retro del cometa Hale-Bopp.

Como era le explication de "gnosticismo" que tu audiva per radio?