[log in to unmask]
http://www.cheshire.net/~jjbowks/langlink.html.
~~~~~~~~~~~~~~~~~~~~~~~~~~~~~~~~~~~~~~~~~~~
Modo de Operation Infectiose del VIH
************************************

Personas infectate con le VIH (virus
del immunodeficientia human) son multo
plus infectiose durante le prime duo
menses depois de contraher le virus
que resulta in SIDA (syndrome de
immunodeficientia acquirite) secundo
un studio per James S. Koopman e sus
collegas del Universitate de Michigan
in Ann-Arbor. Istes colligeva datos
epidemiologic de varie studios,
includente un que considerava a plus
de 8000 homines homosexual in San
Francisco e Chicago, e un altere que
includeva 1115 soldatos de Thailandia.

Usante un simulation per computator,
le recercantes examinava como alcun
factores variabile affectava le
expansion del VIH. Solmente quando
le scientificos programmava un alte
grado de infection durante le prime
duo menses, tunc le modello del
computator confirmava exactemente
le stato del epidemia actual.

Le datos collegite suggere que le
rata de infection durante le prime
periodo pote esser de 100 a 1000
vices plus alte que in le longe phase
asymptomatic (phase sin symptomas)
que seque. Koopman e sus collegas
initialmente detaliava su studio in
le "Journal of Acquired Immuno-
deficiency Syndromes" american.

Le conclusiones suggere que le
recercantes pro un vaccino debe dar
plus attention a effortios pro bloccar
iste prime phase tanto infectiose.
Si on poteva trovar un vaccino contra
iste phase illo poterea decelerar le
epidemia, dice Koopman.

--per K. A. Fackelman, "Science News"