Subject: | |
From: | |
Reply To: | INTERLNG: Discussiones in Interlingua |
Date: | Mon, 28 Sep 1998 12:16:51 -0400 |
Content-Type: | text/plain |
Parts/Attachments: |
|
|
Le citate ha un altere grande problema. Io ha vidite un programma ubi
illes explicava que le fluvio Mississippi ipse vole cambiar su corso. Le
ingenieros hydrologic ha discoperite que le fortias physical nunc preferea
que le fluvio prende un via alternative al mar (golfo de Mexico). Le curso
presente prende le fluvio preter le citate (o forsan, io deberea dicer que
le citate es situate preter un ripa presente). Ma, si le fluvio "trova"
ille curso melior al mar, alora, New Orleans poterea subitemente devenir un
porto sin fluvio e situate preter un ripa sin acqua! Catastrophal, nonne?
Al momento, le ingenieros ha construite grande dicas e canales pro evitar
que le fluvio "discoperi" le nove via al mar. Ma, si alique evenirea
(inundation, ruptura del dica) e le fluvio face le cambio, il non sera
possibile refacer le situation. Le Mississippi es simplemente un fluvio
troppo grande pro esser redigite a in le vetule corso. In iste caso,
forsan esserea construite un nove citate preter le nove ripa. Qual nomine?
New New Orleans. Naturalmente!
-- frank
|
|
|