Salute!
Nunc es le tempore con le noctes longe e le dies maximalmente curte. Le sol se leva a Uppsala approximatemente al 8.45 e se bassa al 14.55. A mi
aviso iste citate es sutuate sur le latitude de 60 grados nord. 
Il es assatis aggradabile con le tenebras. Il es in un senso
multo plus disaggradabile quando le lumine reveni e on debe
monstrar se del copertura. Presso Janne e Steinar le dies es ancora plus curte. Viagiante per le traino alcun horas on jam vide differentias in le longor del die/nocte si on es interessate
in isto. 
Ego crede que pro mi benesser personal il era melior con un die a 12 horas e un nocte a 12 h. Il ha un o duo septimanas del anno in iste maniera, e ego senti sempre que nunc il ha ordine in le existentia! Sed il ha un charme in isto etiam, proque on pote haber le senso que il non ha tempore. Solo le horas artificialmente monstrate del horologios, radio, television, traffico (curculation in le stratas) - toto isto indica le tempore del die. Addona a isto le facto que nos ha habite NUBES tote le tempore. Il ses totevia le mesme. On comencia pensar: es le sol quadratic o non. Como era isto - in realitate? 
Ego legeva unquam un articulo secundo le qual le depressiones hibernal era plus commun in locos in le parallels de 40 - 50 grados. 
Multe homines se senti mal in le primavera, como dicite.

Tenebrosemente

Kjell R.