[per Kjell]
Alcun debe scriber un libro in re iste mytologia filmic. Multo de ille
cosas on categorisa como Nove Etate (New Age) in Svedia... Le question es,
esque le films ha disseminate iste ideas o esque le ideas ha essite
empleate per le filmeros?

[per Frank]
Kjell, tu pote adder le phenomeno del "vampirismo".  Ante parve tempore io
videva per television le caso de un gruppo de juvenes qui jocava le rolos
de vampires.  Isto deveniva de plus in plus seriose usque illes comenciava
a biber sanguine e attingeva su consequentia con un duple homicidio.   Io
opina, que, al minus in le caso de vampirismo, le filmes e libros porta le
responsibilitate major pro le dissemination de iste visiones degenerate.

[per Jay]
Illes amava le film recente con le protagonista Tom
Cruise, qual es le titulo? Alco Dracula o Vampiro, illo
no lo pote io memorar justamente nunc.  Io spera que
isto essea solmente un cosa del juventute folle e non
un caso que continuara.

[per Frank]
Le film portava le nomine "Interview with the Vampire".  Io legeva le libro
(per Anne Rice) e videva le film. In responsa al question de Kjell, io
opinava que le phenomeno de vampirismo in nostre mundo ha su origine non in
ideas preexistente que filmeros ha empleate, sed que le filmes e libros ha
create e disseminate ille ideas. Io personalmente non ha alicun experientia
con jocos RPG e non ha scribite nihil super illos.

-- frank