Car senior Breinstrup,

Io regratia vos pro le responsa. Vos scribeva:

>  Le vendita de libros, protegite per le derecto de autor, assecura moneta pro promover interlingua, e cata comprator assi supporta interlingua.

Del puncto de vista de un nove enthusiasta, dunque de uno qui ha nulle
experientia in le promotion de interlingua contrarimente a vos mesme,
iste methodo de financiamento pare alique contra-productive. Si on
vole que homines usa interlingua, il me pare desiderabile offerer
libros scripte in interlingua le minus car possibile.

Le derecto de autor me pare esser un detalio insignificante e mesmo
risibile considerante le multo parve numero de lectores e le
impossibilitate de facer un significante profito vendente libros, assi
que le autores qui refusa accordar le derecto de reproducer
gratuitemente lor libros pare haber ideas de grandor totalmente
disconnectite del realitate. De facto io es certe que le majoritate
del autores consentirea enthusiasticamente, simplemente pro adjuvar le
diffusion de interlingua.

Io ha jam dicite que iste libros, que on pote mandar de Europa, non es
assatis accessibile. Si vos vole attinger un plus grande numero de
homines, vos deberea los scannar e poner in un archivo digital
disponibile a totes. Isto es mi opinion e obviemente vos ha le derecto
esser in disaccordo.

Respectuosemente,

DA


--
Pro leger le archivos e pro modificar o cancellar le subscription:
http://listserv.icors.org/archives/interlng.html