Subject: | |
From: | |
Reply To: | |
Date: | Thu, 15 Oct 2020 18:08:45 -0300 |
Content-Type: | text/plain |
Parts/Attachments: |
|
|
Car amicas e amicos! Como sta vos hodie? Io es nove in iste forum, e voleva
profitar le occasion pro regratiar mi reception! In iste spirito, io veni
vos demandar como poterea esser possibile obtener un copia o exemplar del
periodico "Novas de Interlingua" (nove serie, n. 6) de augusto de 1965.
Le philologo brasilian de origine hungare Paulo Rónai mencionava iste
edition in su libro "Babel & Antibabel" super projectos de linguas auxiliar
international (p. 63, ed. 1970), e in illo il haberea un nota super le
confiscation de materiales de altere "auxlangs" in le ancian Germania
Oriental communista.
Esque vos ha plus de informationes super iste facto, o super como io
poterea acceder a un exemplar ancian de iste revista? Como un recercator
del historia del communismo tamben multo interessate in linguas planate, io
es curiose super iste episodio. Io ja sapeva que esperantistas era
persecute in le Germania nazi e, ante 1956, in le URSS, mais io non
cognosce super le situation de Interlingua in le ancian "bloc sovietic".
Gratias desde ja, un bon die a totos!
Erick Fishuk (Érick Fiszuk de Oliveira) - http://www.fishuk.cc
--
Pro leger le archivos e pro modificar o cancellar le subscription:
http://listserv.icors.org/archives/interlng.html
|
|
|