Io me memora que in le passato on ha demandate iste question e a ille
tempore nemo habeva le responsa. Io ha trovate le responsa in
_Interlingua Today_ per Gopsill durante que studiante le uso de
prepositiones ante infinitivos.
Le question era...
Como exprime on le subjecto de un infinitivo?
Io ha trovate que Gopsill dice que quando un verbo ha un objecto directe
exprimite, on usa _a_ ante le infinitivo. Con iste regula nos pote
dicer...
We invite him to come.
Nos le invita a venir.
o
This leads me to think.
Isto duce me a creder.
Pote esser nemo ha besonio de iste information, ma io lo ha trovate
interessante.
Gratias,
Paul-David