Car lectores de INTERLNG, car ascoltatores de Radio Interlingua!
Le podcast de Radio Interlingua pro martio 2012 presenta un ver varietate de voces e de occurrentias descripte - in 23 minutas.
Primo io fini presentar mi diaros auditive del 19ne conferentia international de interlingua in Chepelare, Bulgaria, con le pecia registrate le 29 de julio, in le ultime vespere commun; ante le partita, quando il habeva le festa final. Memorante le occurrentias in ille vespere, io presenta le registration del duetto de Thomas Breinstrup e Petyo Angelov super "Le garson a conferentia". Post isto un nove contributor se presenta: Erick Fishuk de Brasil. Mentionante alicun actualitates de interlingua, io presenta finalmente le carta postal auditive de Thomas Breinstrup, inviate de Barcelona.
Le emission se discarga de ci: http://www.interlingua.com/node/878 . Tote le altere emissiones tamben se discarga del spatio http://www.interlingua.com/radio .
Un bon divertimento vos desira:
Le redactor Péter Kovács
--
Pro leger le archivos e pro modificar o cancellar le subscription:
http://listserv.icors.org/archives/interlng.html