Car lectores,



In Hollanda nos ha le prime et le secunde die de pascha, igitur io spera, que vos omnes ha(beva) un bon pascha.





Durante iste festa on poterea demandar se que es le relation inter le lepore / ovos paschal et le christianismo. Le responsa es simple: nulle!



Le lepore paschal veni ex tempores ancian, ex le religiones pagan in le mundo occidental. Hic subtus seque le mythologia:



Le lepore, etiam cognite como le lepore lunar, era un animal multo amate per le dea Ostara, que es etiam le nomine del festa. Anque nunc nos pote retrovar iste nomine pro pascha in le linguas anglese: ‘Eastern’ et german: ‘Ostern’.



Un die, le lepore lunar veniva al dea Ostara et su infante, le juvene deo solar, qui habeva nascite in decembro le 21. Pro amusar le juvene deo le lepore habeva celate ovos colorate  alora ille poteva cercar los. Le deo trovava un ovo bellissime, le ovo del mundo. Et quia ille era le deo solar, le ovo habeva incubate per su calor. Ex iste ovo nasceva nostre universo.



Isto es, brevemente, le legenda ex le qual restava pro nos le lepore et ovos paschal.



Salutes amical,



Ronald.



Verzonden vanuit Mail<https://go.microsoft.com/fwlink/?LinkId=550986> voor Windows 10







--

Pro leger le archivos e pro modificar o cancellar le subscription:

http://listserv.icors.org/archives/interlng.html