Car Daniel Arseneault,

> 1. Habente recentemente apprendite Interlingua, io vole me abonar a
> Panorama, sed infelicemente il pare que il non es possibile pagar per
> alcun altere medio que un transferimento bancari. Forsan le redaction
> de Panorama ignora que costo afferente a un transferimento a Europa es
> multo alte, assi que il non es appropriate pagar per iste modo ab
> extra Europa.
Le Union Mundial pro Interlingua ha durante annos recipite pagamentos
via Paypal como un alternativa al conto bancari normal. In le fin de
2019 o le initio de 2020, Paypal totevia cambiava diverse conditiones,
assi que il deveniva impossibile reciper moneta como pagamento del
abonamento de Panorama in interlingua (www.interlingua.com/panorama) e
de libros in interlingua (www.interlingua.com/litteratura).

Le administration del UMI ha durante plus que un medie anno luctate pro
combatter le bureaucratia de Paypal, e le septimana passate nos
finalmente succedeva facer toto functionar de novo. Il es assi de novo
possibile pagar via Paypal, si on lo desira (p.ex.
www.interlingua.com/panorama-abonamento), assi que on pote evitar usar
transferentias bancari, ubi le bancas demanda tarifas multo alte pro
transferer le moneta de un pais a un altere (anque intra Europa). Iste
nova esseva publicate hodie in www.interlingua.com. Sperabilemente isto
facera le vita de nos omnes plus facile (e minus costose).

> 2. Io ha remarcate que il non ha un grandissime quantitate de textos
> in Interlingua que son facilemente accessibile, excepte le e-libros
> publicate in le sito de UMI
Le serie "Facile a leger in interlingua" es exactemente create pro
inspirar plures a leger textos in interlingua. Visita le pagina del
serie (www.interlingua.com/facilealeger) e studia le possibilitate.
Visita anque le section de litteratura in interlingua
(www.interlingua.com/litteratura), ubi il ha un grande numero de titulos
- traducite e original, professional e belletristic - super un
abundantia de topicos. E memora: Leger multo es un optime maniera de
apprender un lingua ben! :-)

Con mi optime salutes
Thomas Breinstrup


--
Pro leger le archivos e pro modificar o cancellar le subscription:
http://listserv.icors.org/archives/interlng.html