Africa ha essite declarate libere de poliomyelitis salvage per un organisation independente.

Poliomyelitis normalmente afflige infantes sub le etate cinque annos, e alicun vices duce a paralyse irreversibile. Morte pote occurrer quando le musculos de respiration es afficite.

Vinti-cinque annos antea milles de infantes in Africa esseva paralysate per le virus (le poliovirus que causa poliomyelitis).

Le morbo nunc se trova solmente in le paises Afghanistan e Pakistan.

Il ha nulle remedio mais le vaccino contra poliomyelitis protege infantes durante lor tote vita.

Nigeria es le ultime pais in Africa que se declara libere de poliomyelitis salvage, habente suffrite plus que le medietate de omne casos global minus que un decennio retro.

Le campania de vaccination in Nigeria includeva un enorme effortio a attinger locos remote e periculose sub le menacia de violentia militante, e alicun laboratores
sanitari esseva occidite durante le campania.


Secundo BBC News





--
Pro leger le archivos e pro modificar o cancellar le subscription:
http://listserv.icors.org/archives/interlng.html