Salute Paul,
e benvenite al mundo del belle lingua international.

Io me interessava in Interlingua de IALA a causa del Interlingua de Peano
le qual esseva le prime in haber ille belle nomine "interlingua" ma illo
anque esseva nominate Latino sine flexione, lo que es plus un description
del lingua, in mi opinion.

Mi prime experientia con un lingua planificate habeva essite in Espania con
le Esperanto, e io essayava apprender lo. Ma... illo probava esser multo
mechanic pro me, quasi un lingua robotic e non habeva le beltate de un
lingua natural, cosa que io appreciava in le linguas venite ab le Latino.

Ben, pois, io me interessava multo in le libros de Mario Pei e su presentation
de linguas estranier. Etiam in le libro titulate "Loom of Language" il habeva
multe ideas que me interessava in le disveloppamento de linguas e in
special le linguas planificate.

In le passate annos io esseva plus active in le gruppos de discussion
e forsan io poterea facer un regresso al practica interlinguistic. Per
rationes de salute io debeva discontinuar le multe abonationes a
gruppos de discussiones interlinguistic, ma de vice a vice io legeva
alcun del filos de discussion pro mantener me in practica.

Il es un placer leger tu message in re tu studio del lingua belle e
international e io te incoragia pro continuar con le labor. Tu jam
lo usa multo ben.

Con salutes amical,
J.Bowks

--

[log in to unmask]


--
Pro leger le archivos e pro modificar o cancellar le subscription:
http://listserv.icors.org/archives/interlng.html