Car omnes,

Il habeva alcun problemas technic in le interfacie del SdLU,
interlingua.com/libros . Ora toto es resolvite e in ordine.

Un problema esseva, que quando uno iva al sito sin specificar
https://, ergo con le adresse interlingua.com/libros o
http://interlingua.com/libros, le encryption non esseva activate
automaticamente. In altere partes del sito del UMI isto functiona
ben, ma non in le parte del SdLU, per causa de un file .htaccess
que ancora debeva esser adaptate.

Quasi tote le sitos moderne ha hodie iste encryption, con le
systema TLS (Transport Layer Security), previemente SSL (Secure
Sockets Layer). Le function in le interfacie del SdLU, que invia
le formulario de commanda de libros, e le e-mails de
confirmation, ja esseva con TLS automaticamente, e iste
transition causava que le datas del commanda con esseva
confirmate, e arrivava vacue in le message al gerente del SdLU
(in casu: me).

Io ha vidite tal messages in le passato, ma pensava que istes
venirea de bots de spam, que habeva le function Javascript del
paginator disactivate. Ma ora io pensa que illos pote haber
essite ordines de libros real e legitime, que arriva vacue per
causa del problema technic. Io non sape qui son, proque toto
esseva vacue, anque le nomine e adresse de e-mail.

Si alcunes hic recognosce iste description, illes poterea
reconsiderar le commanda de tunc, e facer lo de novo. Post le
reparation, toto debe ora functionar perfectemente.

Hic in Nederland desde 05:00 del matino, non es in un nove
'lockdown', per ration del preoccupationes super le variante
o-micron del virus SARS-CoV-2. Tote le botecas e magazines es
claudite, con le exception del magazines essential, inter le qual
le supermercatos. In Nederland nos non plus ha ver officios
postal, il ha solo agentias postal, que se trova in spatios
separate de magazines, sovente supermercatos. Ma io non es 100%
secur que istes remanera aperte durante le lockdown. Ergo forsan
il es melior commandar libros, qui lo vole, post le periodo del
lockdown? Illo continua al minus usque le 15 de januario 2022.
(Le die de interlingua; solo un coincidentia, naturalmente.)

Con mi salutes optimistic,
--
Ruud Harmsen, http://rudhar.com


--
Pro leger le archivos e pro modificar o cancellar le subscription:
http://listserv.icors.org/archives/interlng.html