Car ascoltatores, fans de Radio Interlingua, lectores de iste lista!

Radio Interlingua de novo ha un fresc podcast, le 62nde. In illo io, le redactor e moderator del emission, Péter Kovács summarisa (subjectivemente...?) le evenimentos forsan le plus importante, que occurreva in le mundo de interlingua post que le precedente emission habeva essite publicate.

Post le introduction le pecia musical de Csaba Kocsis pote esser ascoltate con le titulo "Calypso" e postea veni mi interview con Donald Gasper, le britannico in Hongkong. Le registration se faceva in 2009, in Kirchheimbolanden, Germania, ubi le 18ve conferentia international de interlingua habeva loco, ma io oblidava dicer in le introduction redactorial in le initio del emission, que ille me diceva alora, que pro ille iste situation habeva essite estranie, proque ille mesme es un reporter, un jornalista, assi le situation pro ille habeva essite inusual, esser interviewate e non facer le interview. Si io ben memora, alora al initio, quando io le informava super mi idea ille non troppo se inclinava a esser interviewate, ma postea le interview totevia se faceva.

Le plus fresc podcast de Radio Interlingua pote esser discargate de ci: http://www.interlingua.com/node/1217 . Tote le podcasts usque ora pote esser observate hic: http://www.interlingua.com/radio

Io vos desira un bon divertimento!

Péter Kovács
le redactor


--
Pro leger le archivos e pro modificar o cancellar le subscription:
http://listserv.icors.org/archives/interlng.html