Salute!
Durante le ultime annos ego ha 
sojornate satis multe in Polonia. 
Al presente nos nos interessa multo 
in re lo que occurre in Ukraina. 
Vos lo jam sape. Le subite turno 
del presidente Janukovych de un 
positive attitude al subscription 
de un documento que significarea un 
approximamento de Ukraina al 
Europee Union a un acceötantia de 
un supporto economic de Russia.

Il es possibile que le presidente 
non haberea tante grande problemas 
si ille habeva antea cercate le 
supporto e le comprension de su 
populo. Nunc le cambio era troppo 
rapide, lo que provocava 
demonstrationes, e le resta es, 
como se dice historia.

Lo que ha occurrite es un clar 
illustration de un situation quando 
un partito o gruppo ha le 
majoritate in un pais e non pensa 
que il es necessari considerar le 
minoritate. Ego es convincite que 
si Janucovych habeva facite isto, 
ille poterea haber evadite le  
sequente occurentias.

In mi experientias un demonstration 
sur le stratas es un riscose 
entreprisa, nam il sempre ha 
provocatores, o del proprie latere 
o del latere del opposition. 
Provocatores de ambe lateres crea 
le embryo de un guerra civil, que 
nos al momento vide in Ukraina.

Nos ha un canal televisive que es 
un sorta de de polonese CNN que 
tote le tempore rapporta de lo que 
occurre sur le placia Maidan. Un 
vide un persona qui tene un casco, 
perforite per ballas de un 
Kalashnikov. Il ha snaipers, 
tiratores imboscate, qui tira al 
manifestantes sur le Maidán.

Vos comprende, que al momento il es 
difficile deticar alcun interesse 
al finessas de Gode e le selection 
de parolas pro interlingua, un 
labor que jam es facite. Per iste 
selection de parolas ego proba 
narrar vos de lo que pro le momento 
occupa mi mente insimul con le 38 
milliones de poloneses inhabitante 
iste pais.

Kjell R


--
Pro leger le archivos e pro modificar o cancellar le subscription:
http://listserv.icors.org/archives/interlng.html