Car Josu, car totes,

Tu es correcte, Josu!

Il non plus es bon practica a criticar publicar le costose Panorama. Il es
un cosa pro le abonatos a decider.

Io vole participar in le projectos que tu (e io) e alteres ha create. Nos
debe usar le methodos que *nos* maestra. Si io e nos reguarda methodos que
alteres usa pro propagar interlingua como obsolete e ineffective il es OK.
Ma nos debe lasar los continuar como illes lo vole. Le realitate va les
judicar.

Janne



2009/3/26 Josu Lavin <[log in to unmask]>

>  Car amicos,
>
> Io respondera a mi maniera ursico-telegraphic.
>
> Le grande problema de interlingua es le manco de interlinguistas qui lo
> parla e qui lo scribe.
>
> Cata interlinguista es un mundo. Cata uno ha un vision differente del
> lingua e de lo que on poterea facer. Omne interlinguista es un heterodoxe.
> Io isto lo ha discoperite recentemente.
>
> Il es multo facile ferir sensibilitates. Janne, sin voler lo, lo face.
>
> Parlar contra PANORAMA o le functionamento del UMI es ferir sensibilitates.
> Que face le gente ante iste typo de criticismos? O ben ignorar los, o ben
> pensar que le persona qui face iste criticismos es un sorta de traitor o qui
> ha perdite le nord e le altere tres punctos cardinal.
>
> Io ha multe information directe de multe interlinguistas. Io ha relationes
> frequente con omne typo de interlinguistas. Unes es prototypistas
> fundamentalistic, alteres es fundamentalistas prototypic e alteres volerea
> arrivar un die a saper que cosa illes es.
>
> Io vide un grandissime incommunication inter iste diverse gruppos e
> gruppettos de interlinguistas de cuje bon intentiones io non dubita.
>
> Io vole unir in un scopo commun tote le interlinguistas, ma pro isto io
> debe cognoscer les.
>
> E io vos cognosce assatis ben. Io ha facite mi googlegruppos, chats, etc. e
> io ha potite attinger un bon cognoscentia de lo que vermente pensa e opina
> le interlinguistas.
>
> Ma pro saper que pensa e opina le interlinguistas (tote le interlinguistas,
> e non solmente illes qui es nostre amichettos) on debe permitter les que
> liberemente illes parla e opina.
>
> Le veritate es que io es le sol persona qui ha potite facer isto.
>
> Multe interlinguistas dice a me privatemente lo que illes pensa de omne
> questiones relationate con interlingua. Mesmo re questiones linguistic que
> omnes credeva superate: pronunciation, etc.
>
> Non sempre le realitate es como nos voleva e sperava.
>
> Un detalio:
>
> Dopico es le representante espaniol in le UMI. Ille me scribeva
> personalmente e voleva que io esseva le representante espaniol in le UMI in
> su loco. Que le diceva io? Io le diceva: Parla con Sven, parla con le UMI.
> Esque le UMI ha contactate me pro facer me iste proposition que io haberea
> acceptate, facente un grande effortio per mi parte? No, nemo ha contactate
> me. Le opportunitate ha passate.
>
> Esque io ha alicun interesse special in esser le representante espaniol?
> No, nulle.
>
> Io lo haberea facite? Si, io lo haberea facite per le ben del UMI.
>
> Ma io ha create Academia pro Interlingua e illo functiona.
>
> Nos travalia nunc in le plus extende dictionario de interlingua in wikIA.
> Esque nos va poter facer lo como io lo volerea? Difficilemente, per manco de
> interlinguistas interessate.
>
> On dice que tote le libros in interlingua deberea esser in le rete. E mesmo
> dictionarios, etc.
>
> Si, forsan. Ma que face le SdL del UMI con tote le quantitate de libros
> imprimite que illo ha? Comburer los?
>
> Nos necessita omne sorta de material in omne sorta de supporto: internet,
> papiro, etc.
>
> E cata uno de nos facera lo que considera opportun.
>
> Nos sta informate. Le libro de Ingvar es multo clarificante.
>
> On crea battaliettas sur si un paroletta es interlingua o non: aquelle,
> berillos, etc.
>
> ISTO ES PERDER LE TEMPORE!
>
> Que face ApIA? Que face le Academia pro Interlingua?
>
> Acceptar toto, tote illo que es vermente usate.
>
> Si io vide AQUELLE in un libro de Kayalar io lo incorpora a mi lexico
> personal e mesmo berillos, malgrado su non internationalitate, e mesmo
> troppo, ma, sed, aqui, etc.
>
> E on debe mitter attention. Ingvar (qui recipe iste littera) ha parlate in
> su libro de 183 mulaikismos!!! Isto es completemente falso. Io ipse ha
> comprobate que le mulaikismos es minus que NOVEM!!! Tote le alteres appare
> in le dictionarios de Piet Cleij e altere obras "orthodoxe"!!! A que joca
> nos? A esser miscomprendite? A vider inimicos ibi ubi il non ha ulle
> inimico?
>
> Interlingua non necessita de ulle secretismo.
>
> Io ipse va facer public iste message.
>
> Vamos parlar clar!
>
> Vamos travaliar pro Interlingua!
>
> Josu Lavin
> · Presidente del Academia pro Interlingua
>
> ------------------------------
> Comparte tus fotos con tus amigos. Más fácil con Windows Live<http://download.live.com>
>



-- 
Jan Årmann
Generalsgatan 12 E, SE-903 36 Umeå
Tel +4690771525
Mobile +46706594934
www.armann.se

--
Archivos e disabonar: http://listserv.icors.org/archives/INTERLNG.html