Heri e hodie io ha facite alcun experimentos extensive con le nove chatbot "ChatGPT". Le resultatos es vermente impressionante, ben que io ha anque succedite in attinger al limites del possibilitates del utensile. Per exemplo ChatGPT assereva que Béla Bartók ha scribite octo quartettos de cordas. In realitate son sex. ChatGPT habeva confundite alcun de Beethoven. Quando hodie io retornava al thema, ille diceva: quatro quartettos de Bartók. E ancora confundeva los de Beethoven e los de Bartók. Informationes objectivemente incorrecte, mesmo ancora post correctiones subtil.

Nos ha anque essayate lassar lo divinar le tres nomines real celate in le nomine comic Gran Antallamolinos. Sin successo. Troppo difficile. 

Intertanto iste chatbot comprende e scribe multo ben le nederlandese, germano, portugese, greco moderne (pro le qual io debe appoiar me de Google Translate), e anque ... interlingua!

Illo comprende interlingua, scribe un interlingua quasi perfecte, e pote traducer de e a interlingua! Multo utile e interessante!


--
Pro leger le archivos e pro modificar o cancellar le subscription:
http://listserv.icors.org/archives/interlng.html