Un mus mirava per le apertura de su parve casa
in le pariete del ferma e videva que le agricola e
su sposa aperiva un pacco.
"Que alimentos contenira le pacco?"
Ma le mus esseva devastate in trovar que le
contento esseva un trappa pro mures.
Rapidemente facente un retraite strategic al
stabulo, ille curreva critante un alarma:
"Il ha un trappa-mures in le ferma!
Il ha un trappa-mures in le ferma!"
Le gallina cloccava e grattava le solo
con su pedes, elevava su capite e
diceva le al mus "Sr. Mus, io vos
pote dicer que isto es forsan un
importante occasion pro vos, ma
il non es de consequentia pro me,
io non pote importar me pro un
tal cosa."
Le mus, se tornava al porco e diceva le
sin minus exitation que anteriormente:
"Il ha un trappa-mures in le ferma!
Il ha un trappa-mures in le ferma!"
Le porco sympathicava con ille
ma diceva le al mus: "Io lo senti
multo Sr. Mus, ma io non pote
facer necun cosa. Ma assecura
te Sr. Mus que io vos recordara
in mi precas".
Alora le mus tornava se al vacca.
Illa diceva "Eheu, Sr. Mus, io
es certemente multo triste pro
vos, ma vermente illo non me
concerne tanto a causa de que
io es un vacca e il non ha un
trappa-vaccas in le ferma!"
Assi que le mus retornava al casa
del ferma, totalmente deprimite.
Ille mesme nocte le echo de un
sono viagiava per le ferma.
Le sono esseva como ille
quando un trappa-mures
trappa su victima.
Le sposa del agricola vadeva
rapidemente pro ver que cadeva
sur le garras del trappa-mures.
In le obscuritate illa non poteva
vider que il esseva un parve
serpente que explorava per
le ferma. Le serpente de
reflexo, surprendite, mordiva
le gamba del sposa del agricola.
Le agricola prendeva su sposa
al hospital assi tosto como
possibile e illa retornava al ferma
con un febre. Ora totes sape
que le melior remedio pro un
febre es le suppa de pollo,
assi que le agricola occideva
le gallina e faceva suppa pro
su sposa.
Ma le maladia del sposa continuava
assi que amicos e vicinos veniva
visitar la. Pro dar de mangiar a tante
visitantes le agricola occideva le porco.
Ma le sposa del Agricola non se
recuperaba, e moriva.
Si, illa moriva e tantes veniva al servicio
funerari que le agricola se videva fortiate
provider pro le condolentes. E assi ille
occideva le vacca pro haber bastante
carne pro tote illes.
Alora, le proxime vice que vos audi que
qualcuno ha qualque problema, pensa
que illo importara vos, recordante que
quandocunque uno de nos es menaciate,
recorda que quando un altere es menaciate
forsan vos essera affectate, quando uno
es menaciate omne nos curre le risco,
per extension.
--
[log in to unmask]
=====================================================Pro disabonar te del lista, invia un message a
[log in to unmask] con le texto:
UNSUBSCRIBE INTERLNG
o visita le sito del lista:
http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:
http://www.interlingua.com/
=====================================================
|