On Friday 14 Feb 2014 20:15:53 Kjell Rehnström wrote:
> Le libro de Stan describe naturalmente le Interlingua Mulaik e non
> Interlingua IALA. Il es fattigante que on sempre debe sublinear, emfasar,
> que le catalano e rumano NON es linguas fonte de interlingua. Il ha nulle
> problema que on crea un lingua international sur le base del linguas
> romance, e in isto anque romano, catalano, occitano, friulano, romantsch,
> istric romaniano e un pluralitate de altere linguas, ma isto non devenira
> un lingua international illo devenira panromanic. In facto le selection
> de linguas fonte era multo sage, on vide isto post un profunde studio
> de interlingua o post longe uso de illo. In mi humile opinion Stan ha
> legite le documentos de IALA e mesmo cognosceva Gode, ma ille non ha
> comprendite. Il es regrettabile que le personas qui haberea le capacitate
> non ha donate le tractamento del scribalia de Stan que illo merita.
On ha ja vidite que il ha duo gruppos super iste lista:
http://listserv.icors.org/scripts/wa-ICORS.exe?A2=ind1401&L=INTERLNG&F=&S=&P=14629
Io crede que le major parte de aquellos de nos qui vole un lingua le plus recognoscibile
possibile a prime vista accepta que on ha besonio de plus de linguas romance pro
supplementar le linguas fonte al minus pro le particulas, e potesser tamben pro alcun
expressiones, pois que le grammatica del interlingua es in major parte romance, e le
anglese, le russo, e le german es multo minus utile pro le grammatica que illos es in
construer le vocabulario international. Il es ver que le vocabulario e le grammatica debe
superpositionar se un poco quando il veni al particulas grammatic, e in iste situationes, le
plus importante pro me es trovar un solution prototypic, proque pro me interlingua es
inutile si illo non representa un extraction scientific del vocabulario international, in un
grammatica le plus prototypic possibile, immediatemente comprehensibile al minus al
milliones de parlatores del linguas romance, si non mesmo a parlatores de altere linguas
influentiate per le linguas romance.
Paul
--
Pro leger le archivos e pro modificar o cancellar le subscription:
http://listserv.icors.org/archives/interlng.html
|