Amicos, proque nos debe usar interlingua e non solmente discuter
su grammatica e vocabulario, io mitte iste contribution, prendite
de mi libro "INTERLINGUA GRAMMAR AND METHOD", que illustra un
uso de interlingua:


LE EXCURSION AL MUSEO

Seniora de Pena: Attention!   Roberto pone tu libros in tu
cassa. Sylvia, stoppa le parlar. Hodie, studentes, nos ha nostre
excursion al museo.
Ante que nos discute isto, io debe indicar como nos va facer
isto. Nos va junger nos in pares  in ordine alphabetic per
nomine de familia al fronte del schola e marchar duo per duo,
flanco a flanco, al autobuses que attende nos al strata. Vos va
seder se in le autobus in le mesme pares. Tu pote parlar in
basse voce al un le latere, mais tu non pote partir de tu sedes
fin que nos arriva al museo. Es isto clar?
Bon, ora super le museo:  Qui ha jammais essite a un museo?
Roberto: Io ha, Seniora de Pena.
Seniora de Pena: E qual museo esseva aquello, Roberto?
Roberto: Le Museo de Arte Moderne.
Seniora de Pena: E que habeva tu vidite la, Roberto?
Roberto: Multo extranee picturas. Horologos que flueva super le
bordo de un tabulo; feminas con solmente un oculo.
Seniora de Pena: Aquello ja sembla multo extranee, Roberto. Mais
il ha altere specie de museos. Le museo que nos va visitar hodie
es le Museo de Historia Natural.
Sylvia: Ha il Historia Innatural?
David: Un vice my parentes visitava un museo de cosas innatural.
Su nomine esseva le Museo de Creder o Non. In la il habeva vaccas
con duo capites, con pedes veniente foras de lor capites.
Johannes: Aquello es impossibile!
David: Como io ha dicite, illo esseva le Museo de Creder o Non?.
E illo monstrava picturas de homines qui dormiva super lectos de
clavos erecte.
Seniora de Pena: Ben, nos non va vider cosas como aquello, mais
nos va vider cosas inusual. Qui jammais ha vidite un dinosauro?
Louisa: Io lo ha vidite Seniora de Pena. Un vice mi parentes ha
prendite me al  Museo Field in Chicago, e nos ha vidite un
grandissime dinosauro, cuje nomine esseva “Sue”.
Johannes: Aquello es impossibile. Le dinosauros viveva multe
milliones de annos de retro, e necuno existeva alora qui poteva
dar un nomine a un dinosauro.
Luisa: Le gentes in le museo ha date le nomine de Sue a lor
dinosauro.
Seniora de Pena: Ben, nos va vider le skeleto de un dinosauro;
io non sape su nomine, ben que illo ha le nomine scientific de
Tyrranosaurus rex.
Sylvia:  Ultra isto que ha le museo?
Seniora de Pena: Ben, il ha un excellentissime collection de
gemmas--diamentes, sapphiros, amethystos, aquamarinas,
esmeraldos, agatas, e turcheses, e altere rar gemmas.
Johannes:  Bah, aquello es pro vetere feminas.
Seniora de Pena: Non de toto, Johannes. Homines ha luctate pro
obtener gemmas, proque illos es un signo del ricchessa.
Il ha exihibitiones de panoramas de ambientes natural, con
animales, plantas e scenas realistic de montanias e desertos.
Luisa: Io opina que il va haber altere fossiles que de
dinosauros. Ha le museo un tigre de dentes de sabla?
Seniora de Pena: Si. Su skeleto esseva discoperite a Los Angeles
in un loco inusual cognoscite como le Catranera La Brea. La
esseva discoperite non solmente ossos de tigres de dentes de
sabla mais mastodones, cavallos, cervos. Le animales ha essite
capturate in le catran, que es un multo glutinose substantia,
quando illes veniva al fontanas pro aqua.
Assi classe, io vide que le tempore ha venite a assemblear al
fronte del schola e marchar a nostre autobuses.
Nos es marchante, marchante, nos es marchante, nos non es
parlante. . . .

Seniora de Pena: Attention, studentes. Nos es aqui vicin al 
museo que es le edificio grande a iste latere del strata verso 
le fin de iste insula. Ora sin parlar, io vole que vos sta e
move in vostre pares al fronte del autobus, e dismonta al 
trottoir in un linea, duo per duo tornate verso le museo.

Le studentes seque directiones e finalmente es super le trottoir
al latere del autobus.
Edgar:  Que es aquelle edificio al altere latere del strata?
David:  Io pensa que illo es un botheca de benes fabricate de 
lana.
Sylvia:   In le hiberno vestimentos de lana es multo calide.
Seniora de Pena: Studentes! Non parlar. Nos non vole  disturbar
le gentes aqui. Ora, si tote de nos es foras del  autobus, nos
es preste de marchar al museo. Rememora  remaner in vostre pares.
 Nos es marchante, nos es marchante, nos es marchante,  nos non
es parlante....

 O.K. nos es al fronte del museo. Ascende le scalas al entrata 
al cima. Io va ir in avantia de vos e annunciar nostre arrivata
al docentes qui va conducer nos per le museo.
Johannes:  Io crede que iste excursion essera ennoiante.
David: Tu es semper le pessimista, Johannes.
Johannes: Io non es un pessimista. Io solmente vide necun valor
in vider un museo.
Sylvia: Aqui es le entrata.
Edgar: Iste portas es multo grande e forte.
David: Io suppone que illos debe esser assi, proque como
 Seniora de Pena dice, illes ha preciose gemmas de intro aqui.
Johannes: Aquello es ridiculose. Con bombas explosive, il non
importa qui, on pote eliminar iste portas.
Edgar:   Non le minus forte portas va proteger contra le
majoritate de fures, e il possibilemente ha multo que es
preciose de intro aqui. De plus il es difficile comprar bombas...
Seniora de Pena:  Halto studentes! Io vole introducer 
Senioretta Dinkelheimer, nostre docente, qui va guidar nos per
le museo. Senioretta Dinkelheimer...

 Senioretta Dinkelheimer: Ben venite al museo, studentes. Io
spera que vostre visita  va esser interessante e educational.
 Hodie nos va vider le skeleto de un prehistoric balena, que
habitava le oceanos plus que 10 milliones de annos de retro. Si
tu va mirar in alto super nos, vos va vider lo suspendite del
tecto como si in un position natante in le oceano. Plus longitan
verso le fin de iste sala in alto es un altere skeleto, isto de
un ancian dinosauro aquatic que es un ancestre distante del
moderne alligator, mais como tu pote vider illo es multo plus
grande que un alligator moderne.
Johannes:  Stupendo! Aquello es un grandissime alligator. Io non
haberea volite natar in aquelle oceano. Reguarda aquelle dentes 
e aquelle grandissime mandibula e maxilla. Un dente es circa 25
centimetros longe.
David: Su bucca poteva facilemente inglutir un parve balena.
Senioretta Dinkelheimer:  De facto, le elephantes esseva le
ancestres del balenas. Mais iste “alligator” habitava le mares
circa 70 milliones de annos de retro hodie.
 Ora, vos va vider le entrata al sala de homines prehistoric.
Nos va entrar la directemente. ...
Johannes: Como io ha dicite, David, isto es ennoiante--tote  iste
testos e vestimentos.
David: Veni al sequente panorama. Il monstra alcun caciatores
con lor arcos, flechas e lanceas.
Johannes: Isto es plus interessante. Reguarda aquelle puncto de
flecha facite de petra. Io non credeva que on pote facer tal
punctos nette e ben formate de petra. Como habeva illes facite
lo?
David: Io ha vidite un film in le web super como on pote facer
los de petra. Illes faceva lo totemente per mano. Illes usava un
pecia de pelle de cervo, e corno de cervo. Le pelle protegeva le
manos, e le corno esseva usate pro pulsar  pecias del petra a
partir del filo pro dar le forma al puncto.
Johannes: Si isto es toto in le web, proque debe nos venir
aqui  a apprender lo?
Edgar: A vices io ama vider le cosa real, mesmo si illo es in
un  museo.
Sylvia: Aquello es le ration pro un museo, pro dar gentes un 
opportunitate de vider cosas real que alteremente illes non 
viderea. E io meravilia al facto que homines primitive poteva 
facer tal cosas con lor manos e materias ordinari.
Le studentes sequeva Srta. Dinkelheimer per le exhibitiones in
le museo, illa describiente e explicante toto que illes videva.
E finalmente illes esseva entrante le exhibition del gemmas:
Senioretta Dinkelheimer:  Studentes vos es a un puncto de vider
un exhibition remarcabile de gemmas e minerales sin  equal,
altere que al Museo Smithsonian in Washington. Vos va vider rar
minerales e gemmas de beltate  extraordinari. Seque me, ora.
Sylvia: O, reguarda aquello! Illo es le plus grande diamante 
que io jammais ha vidite.
Luisa: E reguarda aquelle esmeraldo, tal claritate e verditate.
Johannes: Io sponde que illos vale plus que un milliones de 
dollares!
Senioretta Dinkelheimer: Plus que aquello!
Edgar: Io non jammais imaginava que il poteva haber tal 
varietate de minerales belle que on monstra aqui....
Pois meraviliar al exhibition de gemmas e minerales, Srta.
Dinkelheimer conduceva les in le exhibition del historia de vita
super le terra, que monstrava centos de fossiles e skeletos.
David: O, aquello es un Tyrannosauro rex equal a Sue al  Museo
Field.
Johannes: E illo lucta contra un altere dinosauro con grande
spinas super su dorso.
David: Aquello es un Stegosauro.
Johannes: Tu sape toto super dinosauros, nonne?
David: Io ha studiate los, si.
Sylvia: Vide aquelle skeleto de un Brontosauro.
David: Aquello esseva un del plus grande dinosauros. Mais illo
 non esseva carnivore mais vegetarian.
Sylvia: Su longe collo faceva possible que illo poteva attinger
le folios al cima de arbores.
Seniora de Pena: E como pensa vos que aquello ha occurrite? 
Sape tu de evolution?
Sylvia: Nonne.
Seniora de Pena: Ben, studentes imagina que il ha un varietate 
de dinosauros  vegetarian con curte collos, e alcunos con collos
plus longe que le alteres. Qual dinosauros va haber  le avantage
post tote le folios basse in le arbores es  mangiate, lassante
solmente le folios alte in le arbores?
Johannes: Aquello es obvie. Le dinosauros con le collos plus 
longe pote mangiar le folios que le resto non pote attinger.
Senioretta de Pena: Si! Alora suppone que le characteristica de
longe collos es un characteristica hereditate. Le dinosauros 
con collos plus longe superviveva mal conditiones, quando  il
habeva troppo de dinosauros que se alimentava de tote le  folios
basse. Que tu pensa esserea le resultato de isto?
Sylvia: Io suppone que  le dinosauros con curte collos que 
mangiava le plantas non poteva superviver, durante que le 
dinosauros con longe collos superviveva.
Seniora de Pena: E que es le effecto super le proles de iste
vegetarianos?
Sylvia: Le proles del dinosauros con collos longe equalmente
tendeva haber plus longe collos.
Seniora de Pena: Considera in plus que in le interim le arbores
plus alte superviva e le arbores de minor statura esseva
mangiate e moriva, e solmente le dinosauros con plus longe
collos poteva mangiar le alte folios del alte arbores. Que
esserea le effecto super dinosauros vegetarian e le arbores?
Sylvia: Io suppone que le dinosauros vegetarian disveloppa plus
longe collos e le arbores que supervive, lor proles deveni plus
alte equalmente.
Seniora de Pena: Multo bon Sylvia! Assi gradualmente per milles,
nonne, milliones de annos dinosauros vegetarian con longe collos
supervive e reproduce, insimul con le  superviventia e
reproduction de plus  alte arbores. Isto es toto que evolution
es. Per 'evolution' on vole dicer  un processo in que selection
natural del plus adaptabile supervive, reproduce  e passa
characteristicas hereditate a lor proles que es in general plus
adaptabile.
Edgar: Mais proque lor longe caudas?
Sylvia: Io pensa que illos es contrapesos al longe collos, que
permitte le dinosauro a remaner stabile como illo se alimenta
del folios in le alte ramos del arbores.
Johannes: Io pensa que un tal longe cauda esserea un defensa
contra carnivores. Illo poteva batter le carnivores con le cauda
si illes veniva troppo proxime. Totevia, que es le caso con le
carnivores?
David: Io opina que le carnivores ha un bon fonte de alimento in
le vegetarianos. Durante que le vegetarianos deveni plus grande
pro dar un base plus pesante in appoia de lor longe collos, lor
peso lo face difficile pro le carnivores a capturar les sin
esser battite per lor caudas o primite in le terra per lor
pedes. Le carnivores debe crescer in statura e grandessa e
rapiditate de movimento pro capturar e occider le grande
vegetarianos.
Edgar: Mais certemente non tote dinosauros esseva supergrande.
Parve dinosauros pote celar se contra le grande carnivores. Si
illes pote currer rapidemente illos pote eluder le grande
carnivores e trovar locos a celar se. Tal characteristicas
equalmente favora le superviventia.
Seniora de Pena:  Vos es toto pensante como scientistas. Io es
honorate a esser tu inseniante. Hodie non ha essite un
fallimento.
Johannes: Ben, io ha gaudiate multo plus le museo que io ha
anticipate.
Luisa: Seniora de Pena! Veni con me. Io ha trovate le tigre de
dentes de sabla!
Seniora de Pena: Classe, que nos vade con Luisa a vider su
tigre....
Plus tarde le classe parti del museo in un linea de pares al
fronte del museo. Seniora de Pena conduce les como un sergente
de marinas verso lor autobus:
Seniora de Pena: Nos es marchante, nos es marchante, nos es
marchante, nos non es parlante....


--
Pro leger le archivos e pro modificar o cancellar le subscription:
http://listserv.icors.org/archives/interlng.html