Es interlingua vermente europee? Il me sembla que extra del vocabulario
international, que io suppone representa assi satis ben le linguas germanic e
nord-europee, le grammatica de interlingua es del major parte romanophone in
su conception, nonne?

P.S.: Stan, io me demanda: es il deliberate que tu placia sovente adjectivos
ante le substantivo, plus tosto que post? Isto me pare estranie de un puncto
de vista romanophone, mais io non sape si to lo face deliberatemente o si illo
es un anglesismo...

Paul


On Sunday 21 Jul 2013 23:43:35 you wrote:
> Kjell,
>    Mi conception de interlingua non es que illo es
> romanophone. Illo es europee. Le technica del
> prototypo in le general vocabulario produce un
> multo europee lingua, usante technicas objective.
> Con respecto al particulas, usa tu intelligentia
> in tractar del problema.  Le particulas sovente
> es unique a cata lingua, con le exception de
> linguas que ha descendite de un commun ancestre.
> In tal caso le particulas le plus similar occurre
> in linguas que ha recentemente deviate de un
> commun ancestre durante le 2000 annos passate.
>
> Nos non pote selectionar particulas objectivemente
> si nos selectiona un sol lingua como latino pro
> producer nostre particulas.  Aquello es un
> selection subjective. Lo que tu prefere, alcuno
> altere rejice, con tanto derecto como tu.
>
>
>
> ----- Original Message -----
>
> > In le grammatica de interlingua nos
> > pote observar e tractos purmente
> > romanic, como le tractamento del
> > pronomines personal (Io le lo ha
> > donate) e paneuropee/"pidginesc" in
> > le uso del verbos: io, tu, ille,
> > illa, illo il, nos, vos illes,
> > illas, illos parla.
>
> Io ha iste mesme pronomines in mi lista
> de particulas romance.  Reguarda lo
> que io scribe!
>
> > Le tendentia de romanico+sapiente
> > parlatores traher le lingua plus al
> > linguas romance forsan es un
> > periculose via de evolution de
> > interlingua.
>
> In mi opinion iste idea tue es multo
> periculose. On ha le sonio que le
> governamento(s) de Europa va selectionar
> interlingua pro su lingua auxiliar.
> Isto non va occurrer proque le linguistas
> professional qui va esser consultantes al
> UE va requirer un objective criterion pro
> e su particulas e le resto del
> vocabulario.
>
> E on non pote haber un tal solution si on
> adhere al regula de tres pro constatar
> le eligibilitate e usar solmente le
> tres linguas romance major pro
> constatar los.  Aquello jam ha essite
> probate e fallite. Isto esserea clar si tu
> faceva recerca tu mesme in trovar particulas
> con tres variantes. Tu sembla a me a usar
> repetitemente tu proprie preferentias e
> manca de un senso del objectivitate del
> methodo. Assi io non pote tractar tu
> preferentias seriosemente. E Dr. Gode
> ha facite emphase del necessitate de
> objectivitate in methodo pro evitar iste
> debattos que se torna super individual
> preferentias.
>
> Le sol methodo objective pro establir un serie de
> particulas grammatical in interlingua, usante un regula
> de tres e prototypos, es a trovar additional linguas que
> ha un alte possibilitate de haber particulas  similar,
> proque illos ha descendite de un ancestre commun. E isto
> io ha facite pro le particulas in adder le
> catalano/occitano (como un sol lingua como
> espaniol/portugese)  e le romaniano, que
> suprendentemente a vices junge se  con al minus un
> lingua romance major e un o duo minor in  casos critical
> quando le linguas romance major devia de un le altere.
> Mais qualcunque solution debe haber al minus un lingua
> romance major jungente se con le resto.
>
> > Le sol positive
> > resultato poterea esser si illo
> > unirea le linguas romanic.
>
> Non, illo unirea le nord europeos con le sud europeos.
> Currentemente le sud-europeos es tractate como
> citatanos secundari de Europa. Quando nord europeos
> pote scriber e parlar directemente al sud europeos
> in un lingua auxiliar, comprehensibile a illes sin
> multe studio, isto va unir Europa.
>
> > Personalmente ego plus crede in un
> > paneuropee evolution de interlingua.
>
> Que vole tu dicer per 'paneuropee'? In qual maniera
> objective pote nos definer su particulas? E es isto
> un subjective preconception del natura del resultato
> o un accidental consequentia del methodo?
>
> Stan
>
>
> --
> Pro leger le archivos e pro modificar o cancellar le subscription:
> http://listserv.icors.org/archives/interlng.html


--
Pro leger le archivos e pro modificar o cancellar le subscription:
http://listserv.icors.org/archives/interlng.html