Ecce, car amicos, mi prime poema.
Illo non es solmente mi prime poema, ma es anque mi prime poema facte
originalmente in interlingua.
Le ultime linea contine le modo subjonctiv, e io crede que in iste instantia
le subjunctivo
interlingua-ese non suffice...(N.B. in Romanica io haberea habite le option
de un subjunctivo possibile/real o
un subjunctivo impossibile/irreal (anque nominate "optativo"): io lassa a
vos a pensar si ille linea deberea essite in le subjunctivo real o in le
optativo)
Seth
io reguarda tra le fenestro
in le jardin io vide illes
jocante corriente critante
silentio
io non pote audir
io so separate
- vitro inter illes e me
mi filios
subito in ille momento
mi tertie cambia su aspecto
su facie se transforma
in le dolor del mundo
ille plora e ille pati
"que cosa?"
"Cain menacia Abel,
ille dice que ille occidera
su bon fratre!"
in mi mente io repete
lo que occureva
in le momento antea
Io vide como Abel
da un colpo de pede
a su fratre Cain
Io tende mi Seth le mano
prendente le in mi bracios
io dice:
"que io te premuni"
--
Archivos e disabonar: http://listserv.icors.org/archives/INTERLNG.html