Car amico Josu,

Io spera que tu habeva habite un grande e felice anniversario con tu familia
e amicos e multe donos.
Le facto que solmente in Nabarra on parla sex linguas es un clar
demonstration del necessitate de introducer interlingua in le scholas e
universitates. In nostre continente american le situation es tanto
differente: un tertie parla anglese, un tertie portugese e le altere
espaniol. Naturalmente on parla nederlandese in le Antilles e altere linguas
de pauc parlantes. Despecto que io face effortios pro incantar personas re
interlingua, usque ora illes non ha demonstrate enthusiasmo. Non obstante,
Io insistera.

Mi salutes,

Patricio

2011/3/25 Josu Lavin <[log in to unmask]>

> Car amico Ingvar,
>
> Si, isto es ver. Le die 23 io celebrava mi 51me anniversario.
>
> Multe gratias pro tu sempre sympathichissime parolas.
>
> Io es multo felice vidente que tu ha sapite dar un bon colpo de pede al
> cancere. Al merda con illo!
>
> Io es un pauco absente del sitos de Interlingua ubi io non vide grande
> activitate, ma io usa Interlingua omne die. Io vole attinger usatores de
> Interlingua hic in le vetule Regno de Navarra.
>
> Io ha major fide in le navarreses que in le espanioles.
>
> Un gruppo de navarreses qui vole recuperar nostre stato ha diffundite un
> decalogo multilingue in sex linguas inter le quales un de illos es
> interlingua. On ha distribuite 2500 copias via e-mail e nos vole extender
> lo. Al minus illes habera le opportunitate de saper del existentia de
> Interlingua e haber ante lor oculos un texto in iste lingua.
> Nos vole facer un distribution massive de iste decalogo navarrista.
>
> Iste amico me permitte que io les scribe in Interlingua in nostre
> commentarios private.
>
> Ecce in le prime pagina de iste blog:
>
> http://nabarlur.blogspot.com
>
> le territorialitate del Grande Navarra. Stato europee conquistate per
> Espania, Francia e le Vaticano.
>
> Alora, io debe compaginar mi activitate politio-cultural con Interlingua.
>
> In iste Navarra on parla linguas differente: basco, espaniol, francese,
> gascon, occitano, catalano...
>
> Interlingua poterea devenir un excellente lingua auxiliar pro usages
> practic.
>
> De facto, Interlingua es le unic lingua comprensibile jam hodie sin studio
> previe in tote le extension de Navarra. Su utilitate on pote vider lo ab le
> prime momento.
>
> Imbracios amical
>
> Josu Lavin
>
>
>
>
>
>
>
> --
> Pro leger le archivos e pro modificar o cancellar le subscription:
> http://listserv.icors.org/archives/interlng.html
>


--
Pro leger le archivos e pro modificar o cancellar le subscription:
http://listserv.icors.org/archives/interlng.html