Car amicos,
 
 
Io solmente usa tres linguas in internet: interlingua, romanica e basco.
 
Basco con illes qui sape basco.
 
Romanica con illes qui sape romanica o vole apprender lo, e
 
Interlingua con illes qui non sape ni basco ni romanica.
 
Interlingua es un ver lingua ponte pro me, gratias a illo io pote communicar stupendemente con mi amico Jan Årmann, per exemplo.
 
Esque io va apprender svedese pro parlar con Jan? No, io non lo crede.
 
Et alora, esque Jan va apprender basco o romanica pro parlar con me? De nulle maniera!
 
Como va facer Jan tal effortio con me, si io non lo face con ille!?
 
Nos jam ha nostre LINGUA PONTE!
 
Comprende vos, car amicos, mi idea?
 
Io veni nunc de parlar con Richard Young, le creator de www.ia-vive.com Ille appare jam in le Frontispicio de WikIA. Ille non sape scriber multo ben in interlingua e me ha scribite quasi tote le messages in anglese. Esque io debe scriber a ille in anglese? No, perque jam existe le LINGUA PONTE. Io lo senti multo, ma io non va scriber unquam in anglese. Nunquam!
 
Josu Lavin
Presidente del Academia pro Lingua International
_________________________________________________________________
Tecnología, moda, motor, viajes,…suscríbete a nuestros boletines para estar siempre a la última
Guapos y guapas, clips musicales y estrenos de cine. 
--
Archivos e disabonar: http://listserv.icors.org/archives/INTERLNG.html