d[080826] x[Kiviaho Allan] z[KivA-H8Pia]
s[Re: Ha il un altere Alan Kiviaho? Il ha NULLE Alan Kiviaho!]

[log in to unmask]

Car interlinguistadores e interlinguerrillos!

Quando io legeva iste "Il ha un altere Alan Kiviaho?"
io era stupefacte: An il existe etiam un Alan Kiviaho?

Totevia, io tosto trovava que il non ha un altere
Alan Kiviaho interlinguista, de facto il ha nulle
Alan Kiviaho interlinguista del toto!

Il ha solmente un Kiviaho interlinguista e su
prenomine es ALLan Kiviaho, con LL. E ille es io ...
Secundo le Encyclopedia Americana Alan e Allan son
pronunciate in anglese como "Alön". In finnese e
omne altere linguas que non ha abandonate le
hereditage latin Alan es pronunciate como Alan e
Allan como Allan ("ll" in iste nomines es al minus
sex vices plus longe de "l" e "A" es semper
pronunciate como "A" in "piAno" in italiano).

Heh, io trovava etiam in le Encyclopedia Americana que
"Colombia" e "Columbia" (e.g. le Universitate de
Columbia in New York) son pronunciate como Cölambiö
("ö" representa hic le non-vocale "schwa"). In finnese
e altere linguas non-corrupte Colombia es pronunciate
como Colombia e Columbia como Columbia ...

Io era etiam choccate quando io audiva in TV que in un
programma historic de BBC Carthago ("Ceterum censeo,
Carthaginem esse delendam" - vos sape) que le nomine
de iste vetule urbe famose era pronunciate como
"Caatidzh" - e scripte como "Carthage".

Io opina que anglese non es apte como un lingua franca
in Europa proque illo es un lingua totalmente
corrupte. Vide, per favor:
http://www.interlingua.fi/anglpron.htm

------------------------------------
Allan Kiviaho non es morte - ancora!
------------------------------------

Si, io ha habite alicun problemas cardiac desde
2007 novembre 16. In 2008 februario io era in hospital
13 dies e 12 noctes, non a causa de condition de mi
corde sed certe bi-complicationes non-lethal. In 2008
martio io cadeva de maladia influenza que causava i.a.
furiose, convulsive attaccos de tusse sic (sin muco).
Un causa additional era un intoxication per certe
medicamentos que causava grave tumefaction. Ante e
post 22e de aprilio mi condition era tanto mal que
durante nostre visita in Tallinn io debeva reposar
post cata 10-20 metros, si on debeva promenar al longe
un via ascendente.

Sed al fin del maio on habeva trovate un bon balancia
de medicamentos e post duo inversiones del rhythmo del
corde (con electrochoc). In junio-augusto mi condition
ha essite bastante ben. Sed le 2008 augusto 5 io
transversava un examine cathetric e le resultato era
que mi condition es minus mal quam le expectationes
le plus pessimistic de doctores. Le pessime cosa es le
transpiration "mitral" de sanguine in le valvula del
corde. Pro isto io va passar trans un operation cardiac
in le Hospital Central del Universitate de Helsinki,
probabilemente in le proxime decembre.

Le operation ha su risicos sed le prognostico non es
multo mal. Le cardiologo in le hospital de Vantaa
estimava que il ha un chance que un valvula artificial
non es necesse - sed illo va esser un decision del
chirurgo in Helsinki.

----------------------------------------------
Essente succumbite sub le peso de varie cargas
----------------------------------------------

Mi condition cardiac solmente rarmente me impediva de
travaliar sedente e conducer un auto. Sed io ha essite
multo occupate per nostre cinque meraviliose neptas e
neptos (con etates de 1 a 7 annos). E il ha essite
periodos de apathia. Como  consequentia io ha ca. 500
messages ePostal nonlecte.

Sed desde alicun dies io ha energeticamente comenciate
travaliar con le pila alte de mi correspondentia
interlinguistic.

Gratias CORDIAL/CARDIAC a omnes qui ha inquietate se
pro mi condition, super toto Piet, Martijn e Stan!
Felicemente le famas super mi esser quasi morte
son - ancora! - un poco exaggerate.

Vostre
aLLan (con duple L) KIViaHO

--
Archivos e disabonar: http://listserv.icors.org/archives/INTERLNG.html