Ora io scribe sub le periculo de esser expulsate per co-gerente Martijn
Dekker, ma io  spera, ille non va expulsar me, viste que lo que io vole
scriber se refere non solmente al projecto concrete Latinove, ma tamben a
interlingua, como un lection general in iste thema general (discutite - de
mi parte - in interlingua normal).

Io vole solo referer a un sol thema concrete e al mesme tempore finir iste
thema - hic in Interlng (del resto io non ha humor continuar lo mesmo alterubi).

Previemente io scribeva, super le inconsequentia del orthographia de [ks] in
le previe projecto de Carlos Alberto Santos. Io errava, il non se tractava
de isto. Intertanto io rememorava, que io trovava inconsequente o
contradictori (es il possibile un neologismo "contradictional" hic...?) in
le previe projecto de Carlos Alberto, que alora le c debeva esser
pronunciate sempre como k, sin exception. Ma justo in le description del
lingua (trovate in Wikia) io trovava mesmo duo parolas con duple cc-s, como
accender, accessar, accentuar, etc. Io non pensa, que on deberea pronunciar
los como akkender, akkessar e akkentuar.

Dunque isto era le inconsequentia al qual io refereva in mi previe lettera e
per isto io vole finir iste thema hic.

Interlingua de IALA non ha inconsequentias secundo su proprie methodologia
(o multo pauc e de micre importantia) describite in le prefacio de IED e in
le grammatica de interlingua (IG), vamos appoiar interlingua de IALA e
laborar pro le divulgation de illo! :-)

Péter Kovács

--
Archivos e disabonar: http://listserv.icors.org/archives/INTERLNG.html