Car omnes.

In www.interlingua.com, il ha un section con Info national
(www.interlingua.com/infonational) - un breve texto que explica in multe
linguas national que es interlingua e pro qual scopos pote on usar lo.

Le Union Mundial pro Interlingua (UMI) desira que le numero de linguas
deveni plus grande e le information national assi plus comprehensive, e
pro isto nos vole demandar, si alcuno de vos in iste lista pote assister
e traducer le presentation in un del linguas que ancora non es preste.

Il se tracta del mesme texto. Le original in interlingua es isto:
http://www.interlingua.com/interlingua-ia, e nos desira un traduction
directe (inclusive le "Version breve" in le fin).

Un serie del bandieras sur www.interlingua.com/infonational non ancora
es active. Iste linguas es los que nos cerca. Si tu cognosce un de iste
linguas como tu lingua materne (o a un nivello como lingua materne), nos
esserea multo grate de reciper le traduction del texto standard. Si tu
parla altere linguas, que non ja es in le lista, e pote traducer le
texto in illo(s), isto essera anque multo appreciate.

Le texto standard plena circa un folio A4.

Per favor, invia le traduction in un documento (non directemente in le
e-posta pro non riscar que litteras special etc. es perdite) a
[log in to unmask]

Multe gratias pro tu assistentia!

Con le optime salutes
Thomas Breinstrup
co-redactor de www.interlingua.com


--
Pro leger le archivos e pro modificar o cancellar le subscription:
http://listserv.icors.org/archives/interlng.html