Carissime Piet, Andrew e amicos,
si io pote interrumper per un momento iste conversation, io volerea exhortar
totos de acquirir tu bonissime lista de additiones al dictionario de interlingua.
Io lo considera essential, particularmente si on cerca parolas nove, (e evitar
duplicationes de effortios) o augmentar su proprie fluentia in interlingua.
Salutes cordial e bon parolas a vos,
Bruno
On Sat, 2 Aug 2008 12:42:51 +0200, cleij <[log in to unmask]> wrote:
>Car senior Juhasz,
>
>In le anno 1961, 4 - 10 jnio, il habeva un "Congresso
>Mundial de Psychiatria" in le urbe canadese MONTREAL.
>In duo tomos Alexander Gode ha traducite in interlingua
>le circa 890 summarios del diverse reuniones del congresso.
>Le textos non es in le internet, io crede. Io ha exemplares de
>iste libros, que Frits Goudkuil me ha date ante circa 20 annos.
>
>Io ha comenciate a studiar le linguage de Gode in iste
>textos, in que il ha innumerabile vocabulos que es introvabile
>in le IED.
>
>Un parte de iste "neologismos" ha apparite postea anque in
>diverse dictionarios de interlingua e finalmente anque in mi
>"Lista Supplementari de Vocabulos International",
>p.ex. psychobiologic, psychosomatic, etiologic, stressante,
> thesaurisation, variabile (sub), perceptivitate, rediscuter,
> superego e multe alteres.
>Un altere parte del "neologismos" non se trova in le "Lista",
>p.ex. speciminal, incostose, inadequatias, scholation, mortitate,
> perdurative, disfallimento, congedation, pregenital,
> dissensibilisation, descrescer, discompensation, culminal,
> partenario, recreatori (adj), defectivitate, correlationar,
> restitutive e multe alteres.
>
>Io intende controlar si iste ultime categoria de vocabulos de Gode
>obedi al "Regula de Tres". E si illos obedi a iste regula, io vole
>incorporar los in mi dictionarios e in le "Lista Supplementari".
>
>Super le uso del accentos in "résumé" io te informa iste vespere
>o deman.
>
>Salutes
>Piet Cleij
>
>
>----- Original Message -----
>From: "Andrew Juhasz" <[log in to unmask]>
>To: <[log in to unmask]>
>Sent: Saturday, August 02, 2008 10:38 AM
>Subject: Re: [INTERLNG] Le version de interlingua de 1951 non jammais
esseva
>final.
>
>
>> >
>>>
>>> Il va sin dicer que le practica ha corrigite e adaptate diverse
>>> vocabulos del IED, p.ex. illo ha facite le distinction inter le
>>> adjectivo "nove" e le numeral "nove", que ha devenite "novem".
>>> Gode esseva de accordo, viste que ille ha scribite "novem" e non
>>> "nove" in su traductiones del Résumés del Tertie Congresso
>>> Mundial de Psychiatria: "Novem annos ha passate..... "
>>> (pagina 429). **
>>>
>>
>> Car amicos
>>
>> In su message, le Sr Cleij mentiona le "résumés..etc.
>> Pote vos me dicer si iste obra se trova sur le rete?
>> Io serea multo interessate a studiar lo.
>>
>> Multe gratias.
>>
>> Andrew
>>
>> (N.B. io nota que Gode usava un diacritic accent sur le "e": ille scribeva
>> "é".
>> Pote vos me dicer que es le stato currente de iste accentes? - Nam,
>> recentemente
>> io ipse usava lo e era (facetiosemente) corrigite)
>>
>> --
>> Archivos e disabonar: http://listserv.icors.org/archives/INTERLNG.html
>>
>>
>
>--
>Archivos e disabonar: http://listserv.icors.org/archives/INTERLNG.html
--
Archivos e disabonar: http://listserv.icors.org/archives/INTERLNG.html
|
