Salute!
Anne Bürgi ha contate re alcun rimas de infantes amusante. Il ha
similares in tote paises. In Svedia infantes sovente desde longe ha
tiradas pro eliger un actor in jocos. Iste tiradas es falsificationes de
parolas que es usate in le ecclesia. Nos ha per exemplo "hokus pokus" de
latino "Hoc est pocus" e "luntan tuntan" de "Fiat voluntas". Il es
interessante pro que le usage de latino in le ecclesias svedese ha
stoppate con le reformation lutheran in le 16e seculo. Ergo - tal
tiradas es multo ancian.
Io ha audite que infantes ha un ver lingua international. Il es un
tirada rhytmic sonante: tata tata taa taa, tata tata taa taa - con
gesticulationes synchronic con le digitos. Le intention es derisori. Io
ha audite iste tirada in plure paises inter infantes e mi filia Anna in
1963, quando illa habeva 5 annos, ha lo practicate quando illa ha
jocate con amicos in Sarajevo. (Illa apprendeva serbo-croato plus rapide
que su patre.) Evidentemente interlingua non es le prime lingua
international. Como ha un tal tirada se diffundite?
Forsan nos interlinguaistas debe comenciar con le infantes in nostre
propagation!
Jan
P.S. Io cambia mi adresse postal 97-12-10. Vide le nove hic infra!
--
Jan Armann
Generalsgatan 12 E; S-903 36 UMEA, Sverige (Sweden)
Tel & Fax +46 (0)90771525; e-mail:
[log in to unmask];
[log in to unmask];
[log in to unmask];
ICQ - UIN nr:785745;
http://www.algonet.se/~armannhttp://www.interlingua.com