Sender: |
|
X-To: |
|
Date: |
Fri, 6 Jun 2008 21:16:05 +0200 |
Reply-To: |
|
Subject: |
|
MIME-Version: |
1.0 |
Content-Transfer-Encoding: |
quoted-printable |
Content-Type: |
text/plain; charset="iso-8859-1" |
From: |
|
Parts/Attachments: |
|
|
Car amicos!
Hodie, le 6 de junio es le Die National de Svedia desde 1983 ma jam desde 1916 ille die esseva appunctate le "Die del Bandiera Svedese" (blau con un cruce jalne).
Svedia nunquam, desde le 16e seculo, ha essite occupate per poteres estranier, non mesmo durante le Secunde Guerra Mundial quando e Norvegia e Danmark esseva occupte per le nazistas.
Le die national de Norvegia es al memoria del liberation de Danmark in 1814 ma Danmark ha un multo plus vetule tradition como pais libere e le 5 de junio (le die ante le die svedese) es appellate le die del constitution (de 1849) ma non officialmente le Die National..
Le die national de Finland vermente es multo motivate. Le 6 de decembre 1917, pro le prime vide in le historia, Finland esseva independente, alora de Russia. Ante 1809 Finland esseva un parte de Svedia.
Le die national de Svedia es seligite a causa de plure eventos:
Le 6 de junio 1523 Gustav I Vasa esseva seligite como rege de Svedia post que Svedia habeva essite in union con Danmark sub le odiate rege danese Kristian le Tyranno, per le daneses appellate Kristian le Bon.
Altere eventos importante esseva le systemas de governamento de 1809 e 1974 que esseva declarate al mesme dato.
Il ha un legenda re le origine del bandiera svedese ma secuno le historicos illo naturalmente es un construction fictive. Tamen illo es un bon historia:
Le rege Erik le Sancte navigava verso Finland pro christianisar le finneses in 1157. Alora ille discoperiva un cruce jalne sur le celo blau e credeva que illo esseva un signo de Deo. Dunque ille decideva que isto debeva esser le bandiera svedese.
Le historicos solmente opina que le bandiera svedese esseva un variante del multo plus vetule bandiera danese (de 1219) ma con le colores (blau e jalne) del insignios del familias regal "Folkungarna" p.ex Birger Jarl.(1210?-1266) e le rege Karl Knutsson Bonde (1408?-1470).
In iste dies nos forsan plus debe accentuar que ver interlinguistas desira esser cosmopolitas ma sin dubita le traditiones cultural ha un senso importante pro facilitar le appreciation comprensibilitate de altere culturas e altere populos.
Salutes international,
Erik Enfors
Vallåkergat.25
SE-432 37 VARBERG
Svedia
Tel: +46 (0)340-875 45
(Mobil: +46 (0)730 65 60 21)
Skype: untorrente
e-post: [log in to unmask]
Con salutes national malgrado que nos omnes nunc pertine a UE,
Milliones de personas comprende interlingua immediatemente.
www.interlingua.com
--
Archivos e disabonar: http://listserv.icors.org/archives/INTERLNG.html
|
|
|