Car amico Martijn

2008/8/14 Martijn Dekker <[log in to unmask]>

> At 16:29 -0400 13-08-2008, bruno Zani wrote:
>
> Un tal manco de conscientiositate linguistic, veniente de un persona
> autoritative con pretensiones de poter cambiar per decreto le skeleto
> fundamental de nostre lingua, ha le mal odor del hypocrisia e es
> ENORMEMENTE IRRITANTE - tanto plus proque ille de facto sembla
> refusar de facer parte del communitate qui parla interlingua
> realmente, in voce, in contactos regular e a conferentias cata anno.
> Nos non vide jammais Mulaik (o su discipulos) a un conferentia, ma
> isto non le impedi de voler prescriber nos nostre linguage!
>

Ben, nos ya non debe oblidar que il ha un oceano inter Stan e le
conferentias, le quales ya sempre pare haber loco in Europa, e dunque e le
costos e le difficultates del viage serea multo major pro ille (e altere
americanos). (A proposito: Forsan le tempore ha venite ubi nos debe tosto
tener un conferentia al altere latere del Atlantico?)

Necuno ha le autoritate de prescriber nos como parlar interlingua - ni Stan,
ni altere personas. Lo que importa non es le persona qui doce, ma solmente
su *argumentos*, nonne?

Ma cata vice que le nomine Mulaik es mentionate inter interlinguistas
europee on audi solmente critica de su persona, non de su argumentos!
Proque?

Forsan le responsa ha plus a facer con psychologia de gruppos que con
interlinguistica. Io audi de plus in plus argumentos como "nos" e "illes" -
ubi "nos" es le interlinguistas europee qui assiste a conferentias e
respecta le autoritate del veteranos europee, e "illes" es le estranieros
que non nos place!

Pro me iste maniera de pensar es completemente estranier, ma io anque non
jammais ha amate gruppos.


Viste que le interessatos discoperi interlingua principalmente per
> internet, io pensa que ille e su banda de reformistas causa damnos
> innumerabile a nostre communitate linguistic, e pro isto, io
> simplemente refusa de retener me plus.
>

Hmm... "banda" como in "his gang of reformists"? Isto es parolas multo dur.
Iste reaction pro me es lo que es vermente damnose - que tote opposition al
opiniones del gruppo dominante europee pote provocar emotiones tanto forte.

Que estranie que nos pote viver in iste mundo globalisate, cata die exponite
a culturas e opiniones alien sin protestar, ma pro personas qui scribe
"mais" o "io son" nos ha nulle tolerantia. ;-(

(Isto es observationes general, non adressate a te, Martijn.)

Amicalmente,
Lars

--
http://falcatorrosa2.blogspot.com

Interlingua - proque nos ama linguas!

--
Archivos e disabonar: http://listserv.icors.org/archives/INTERLNG.html