Si, car Josu, gratias que tu nos da un argumento extra contra "io so".
Mais tu, ni alcuno altere aqui, non ha date tu opinion supra lo que io scribeva:
que IA non deverea haver plus formas que "es" e "son".
Il es un caso fundamental pro IA. Si nos va conjugar le verbo esser ancora
plus (p.e. io so/soi, tu es (?), ille es, nos somos, vos ?, illes son), quanto
formas del presente nos haberea? Normalmente le presente ha solmente un
forma, "esser" es le exception con duo, iste non es difficile, mais ancora plus?
No, isto serea troppo contra le principios de IA... e illo facerea IA tro difficile
pro non-romanophonos.
"Vamos" ha un signification special aqui, como tu diceva: "let's go!"
Como in cantiones famose como "vamos a la playa, a, a, a, a ha" o "vamos a
bailar" etc. ;-)
IA "vamos" non vole dicer "nos va".
Que "somos" volerea dicer? "let's be"? No, un tal expression special non
besonia pro IA, in mi opinion.
Amicordialmente
Chamavian
PS: senior Cleij es un authoritate pro cata uno de nos
On Fri, 25 Jul 2008 08:04:21 +0000, Josu Lavin <[log in to unmask]>
wrote:
>CORRECTION: Isto era le message complete:
>
>Car Chamavian,
>
>In italiano IO SO es IO SAPE. Dunque, IO SO non sembla esser un bon forma
in interlingua.
>
>Esque IO SO es le prototypo correspondente a: yo soy (E), eu sou (P), je
suis (F), io sono (I)?
>
>A mi aviso illo deberea esser SOI o forsan SON (<<SUM).
>
>In iste altero caso: nosotros somos (E), nós somos (P), nous sommes (F), noi
siamo (I)
>le prototypo es clarmente: NOS SOMOS como illo es in interlingua.
>
>Insimul con SOMOS existe in Interlingua le forma VAMOS. Ecce VAMOS in le
IED:
>
>[vamos] (vá-) pr 1me pers pl of vader I. (we) go, are going; II. let's go, let
us go; III. [Grammatical functions: 1. auxiliary, forming the future or immediate
future; 2. auxiliary, forming the imperative]; vamos comenciar 1. we shall
begin, are going to begin; 2. let's begin, let us begin
>
>Como nos pote vider illo es acceptate:
>
>1) in presente indicativo.
>nos vamos al cinema = nos va al cinema
>
>2) Mesmo como futuro o futuro immediate:
>nos vamos vider le film = nos va vider le film = nos videra le film
>
>e 3) como imperativo:
>
>Vamos vider le film! = Que nos va vider le film!
>
>Io in Interlingua usa, como io jam ha dicite, le formas que appare in le
dictionarios del senior Cleij (unic autoritate pro me).
>
>Imbracios amical
>
>Josu Lavin
>_________________________________________________________________
>Herramientas para combatir la crisis. MSN Dinero
>http://dinero.es.msn.com/
>--
>Archivos e disabonar: http://listserv.icors.org/archives/INTERLNG.html
--
Archivos e disabonar: http://listserv.icors.org/archives/INTERLNG.html
|