Multe gratias a Antonielly Garcia Rodrigues qui scribeva, inter le
altere cosas:
> On 5/10/07, robocap gmail <[log in to unmask]> wrote:
>> 2. le servitor non debe plus inviar automaticamente copia integral de
>> messages al membros, ma solmente un lista de ligamines al messages nove
>
> Bon die, Roberto.
>
> Reciper le messages de e-mail me place multo. Io personalmente non
> volerea reciper solmente un ligamines al messages, proque in mi conta
> de e-mail in GMail io pote archivar e cercar con comoditate le
> messages que io desira. Le functionalitate de junger tote le messages
> de un mesme thread in un sol tela me place multo in GMail.

De accordo, ma isto functiona solmente con le web-posta, non con le
clientes de posta. Si on permitte le invio de messages HTML con junctos
multimedial, on debe proteger le membros del forum contra viruses e
malware e non replicar automaticamente le messages como hodie in
INTERLNG. Io pensava a un mechanismo de alimentation RSS, como in le blogs

> Felicemente, il es tecnicamente possibile satisfacer le grecos e le
> troianos. Pro le personas que non vole reciper messages integral, o
> vole reciper solmente un [en] "digest" diari de tote le messages, il
> poterea haber optiones pro configuration de tipo de abonamento al
> lista. Le persona optarea si ilo vole reciper: a) messages integral;
> b) "digest" diari; c) notificationes de nove messages con ligamine a
> cata message in aquele die.

Si, isto es jam usate per le gruppos de discussion Yahoo!, anque si io
prefererea le alimentationes RSS.

>> 3. debattos "multithread" dynamic, como p.ex. illos de Meetic: in altere
>> parolas, un blog collective
>
> Io crede que tu volerea dicer un forum colective (corrige me si io
> compreendeva erroneemente).

Desolate, io vide ora que io scribeva erroneemente "Meetic" in vice que
"Meetup". Si tu vol vider que io  voleva dicer, vole ben vider un
qualque forum al adresse http://www.meetup.com/topics/lang/ e tu
comprendera tosto.

Salutes cordial

robocap

--
Archivos e disabonar: http://listserv.icors.org/archives/INTERLNG.html