On Mon, 14 Aug 2006 23:22:37 +0200, Alberto Mardegan <[log in to unmask]> wrote:

>Le die Mon, Aug 14, 2006 at 09:52:26PM +0200, robocap on wind ha scribite:
>> Alberto, a quando un telephono Nokia con interface IA?
>
>Eheh, io pensava a isto, ma de facto io non laborara con le telephonos,
>ma con le 770 Internet Tablet, que es un computator palmar.
>
>Securmente io va informar me super le possibilitate de crear un
>"language pack" in interlingua; multe (totes?) modellos del telephonos
>permitte de cargar in le telephono archivos de varie tipo, e
>actualisationes. Si le formato del archivos non es secrete, on poterea
>ben facer un archivo de traductiones in interlingua; ma postea, io time
>que solmente usatores experte poterea installar lo.

In omne casos: io _manda_ (!) mesmo in avantia de Alberto le pacco lingual
de interlingua pro mi Nokia 3410! :-D

Del resto ille apparato es secur e on dice, il es plus simple rumper codices
(facer le telephono independente pro tote le retes - T-Mobile, Vodafone,
etc.) a tal typos "vetule", que a typos contemporanee.

Que vos non sia irate a me, que io scribeva hic nomines de marca. Isto es
pro le reclamo de interlingua: :-)) Pensa: si alicuno, un homine totalmente
non cognoscente interlingua vole cercar informationes super le Nokia 3410, o
 Vodafone, o T-Mobile, alora (post alicun tempore ab ora, usque quando mi
message sera archivate in le recercatores interretiari) ille va trovar iste
mi message (p. ex. per Google) in le archivo public de INTERLNG, e alora
ille va incontrar "per hasardo" (non volente) un lingua totalmente
incognoscite per ille, ma totevia comprensibile pro ille, e alora ille va
cognoscer e sperabilemente forsan anque amar lo... :-) 

Isto es un bon methodo de facer interlingua cognoscite inter gentes in 
totalmente (e differente) circulos de interesse (non linguistic), dunque que
vos scribe tanto nomines de marca in vostre messages interlinguaphone hic,
como possibile! :-)

(Naturalmente io burlava a vices, ma io considera le principio de iste
pensatas bon.)

Péter Kovács

--
Pro disabonar te: http://listserv.icors.org/archives/INTERLNG.html