Proque in IA normalmente on ha solmente 1 forma del verbo pro tote personas
in le presente (e in le altere tempores tamben).
"Esser" es ja un exception con "es" e "son", mais illo es un exception necessari,
proque "nos es", "illes es" sembla assi innatural, comparate con le linguas
vivente. Illo era le ration pro permitter iste ambe formas in IA, nonne?
Mais un forma plus, como "io so", facerea le exception al regula un poco tro
grande: tres formas de esser in le presente, contra un del altere verbos.
Pro isto, io crede que il es melior usar un del formas ja existente.
E proque "io es" me sembla tanto innatural que "nos es", io usa "io son".
Le francese, espaniol, italiano, portuguese e le altere linguas romance ha cata
parolas de esser pro le prime persona singular que resimila IA "son":
-yo soy (E), eu sou (P), je suis (F), io sono (I).
Tamben pro le personas plural del presente de esser IA "son" es le equivalente
melior del parolas in le linguas romance.
-nosotros somos (E), nós somos (P), nous sommes (F), noi siamo (I)
-vosotros sois (E), vós sois (P), vous êtes (F), noi siete (I)
-ellos son (E), eles são (P), ils sont (F), essi sono (I)
Solmente pro "tu" e "ille/ella/illo", iste linguas ha parolas que resimila "es":
-tú eres (E), tu és (P), tu es (F), tu sei (I)
-él es (E), ele é (P), il est (F), egli è (I)
Alora in IA io usa "tu es" e "ille es", e pro le altere personas "son"
Chamavian
a proposito 1: in Italiano on ha tamben: "io sono" = io son, e "essi sono" = illes
son, con le mesme forma pro io e illes. in Galiciano on ha "eu son" e "eles son".
a proposito 2: un altere ration pro mi personalmente pro non usar "so" es que
iste parola vole dicer "sol" in Portuguese, e io usa IA in mi communication con
personas lusitaphon. ellas pensarea que "io so" vole dicer "io solo" ;-)
On Fri, 25 Jul 2008 13:28:45 +1000, Ado Hall <[log in to unmask]> wrote:
>Gratias pro le responsa.
>
>Tamen... pro que non 'io so', jam registrate in le IED e usate in le GI?
>
>2008/7/22 SUBSCRIBE INTERLNG Chamavian <[log in to unmask]>:
>> ha ha, Edo
>>
>> io usava "on" in mi replica al message de Piet, proque illo non se adressava
a
>> mi directemente con "tu", mais con "on" ;-)
>> pro isto io non sape proque ille faceva illo, mais potesser ille detesta mi
ideas
>> troppo?
>>
>> isto es lo que io voleva dicer quando io scribeva que il ha apparente a
veces
>> un atmosphera aqui de ignorar e non reager a cosas que on trova
indesirabile
>>
>> forsan illo non es ver, mais quando on resta tacite, on face iste impression.
>>
>> OK, generalmente on usa "io es" aqui, mais io pensa que isto poterea facer
>> espaventar nove discipulos pro IA, specialmente quando illes parla o sape
un o
>> plure linguas romance.
>> "io es" face un impression immediatemente de un lingua assi artificial, e non
>> natural, que pro mi isto es un ration de evitar iste expression in mi
>> correspondentia con romanophonos!
>>
>> si, io usa IA in contactos con parlatores de linguas romance, como
propaganda
>> e in le sperantia que illes se interessara e acceptara nostre lingua.
>> mais pro rationes tactic io usa "io son", proque io time que "io es" facerea
IA
>> un linguage irreal, primitive e artificalissime in lor aures, e illes lo rejectarea.
>>
>> "il ha solmente un occasion pro facer un prime impression"
>> e isto vale pro Interlingua tamben!
>>
>> salutes amicordialmente*
>> Chamavian
>
>--
>cordialmente
>Edo
>
>--
>Archivos e disabonar: http://listserv.icors.org/archives/INTERLNG.html
--
Archivos e disabonar: http://listserv.icors.org/archives/INTERLNG.html
|
