Car Martijn!

Il es multo bon, que tu ha scribite iste lettera. Justo in iste dies io ha
planificate scriber super iste thema.

Nos debe coordinar nostre fortias in favor del Wikipedia de interlingua.

Ma antea nos deberea al minus saper le numero, le identitate del
contributores del Wikipedia interlinguaphone, e forsan mesmo divider le cargas!

Nos debe ser de accordo, 

QUI va controlar le articulos linguisticamente, e

COMO on va saper le existentia de un articulo linguisticamente questionabile.

Ma si le possibilitate lo que Martijn mentionava existe (i.e. marcar le
articulos, que tu trova digne al revision per un codice, que los dirige a un
special pagina es bon:

>>http://ia.wikipedia.org/wiki/Category:Articulos_pro_revider

Si on trova un articulo scribite in mal interlingua que non es
includite in iste pagina, ma non ha le tempore a corriger lo, on lo
adde a iste pagina includente le etiquetta "{{Revision}}" in le
codice-fonte.<<

Ma non omne de tal articulos es trovabile ibi.

Pro isto nos debe ser de accordo, IN QUAL ORDINE nos comenciara (QUI
comenciara?) le revision del articulos. In qual sequentia temporari, secundo
qual consideration, etc.

De facto Martijn comenciava iste labor del revisiones, ma como io lo sape
ille lo face non continuemente, ma "a vices", arbitrarimente (quando ille ha
humor e inclination e quando ille trova hasardemente un tal articulo). Isto
es bon, ma nos besonia plus de homines interprendente le revision e nos debe
organisar un plus systematisate labor in iste respecto.

E naturalmente anque plus de nove articulos es besoniate (non solmente le
revision del vetules). Quando io selige le option de trovar un articulo per
hasardo (usante le ligamine "Pagina aleatori" - benque io non ha trovate le
parola "aleatori" in le IED), io sovente veni a articulos de presentar le
numeros e o le dies del septimana; isto significa, que il ha pauc de
articulos. Nos besonia plus (e non solmente nos, ma le societate non
cognoscente, ma comprendente interlingua; nostre possibile base del futuro!).

Heri io ha cargate un articulo (scannate per me) in le Wikipedia hungare
super le maneamento de discos grammophonic (vide:
http://hu.wikipedia.org/wiki/Hanglemezek_karbantart%C3%A1sa). Isto es le
prime occasion in mi vita, que io redigeva un articulo in Wikipedia. Io
comenciava traducer lo in interlingua a fin que io pote referer al version
interlingual in le pagina del articulo hungarophone.

Ma como a facer isto? Io sape, io pote inserer un ligamine in le texto
mesme, ma al sinistra de iste paginas il ha anque un columna continente
ligamines del articulos super le mesme thema in altere linguas. Si le
articulo non ha un version in un altere lingua (o un altere articulo
tractante le mesme thema), iste columna non appare. Ma como a informar le
competentes super lo que un version de iste articulo (o del thema) appareva
in un altere lingua? Isto serea un bon reclamo pro nos(tre lingua). O curre
isto automaticamente?

E como a attinger, que tote le parolas "grammophono" in cata articulo
continente iste parola in le integre Wikipedia habe un ligamine a mi
articulo super le discos grammophonic?

Quanto del questiones pro hodie... :-)

Salutante:

Péter Kovács

--
Pro disabonar te: http://listserv.icors.org/archives/INTERLNG.html