Subject: | |
From: | |
Reply To: | INTERLNG: Discussiones in Interlingua |
Date: | Wed, 11 May 2005 21:58:03 +0200 |
Content-Type: | text/plain |
Parts/Attachments: |
|
|
Ancora quatro dies remane pro inscriber te e tu familia al 17-me
conferentia international de interlingua in Svedia. Le 15 de maio es le
ultime die pro le inscriptiones - ma face lo tosto pro esser secur de
haber le typo de camera que tu desira.
Le conferentia habera loco le 16-22 de julio in le village pittoresc Ĺsa,
proxime a Göteborg e Varberg (con facile accesso del aeroporto de
Göteborg). Le centro conferential es moderne, ha tote facilitates e es
situate solmente 75 metros del mar salin e le bon plagia. Le conferentia
essera un evento exceptional con interlingua de matino a medienocte, con
discussiones, con excursiones interessante, con musica e cantar, con
intertenimento, con conversationes, con labor practic in gruppos, e con
presentationes e discursos super omne themas - ma sempre in interlingua.
Naturalmente il ha anque un curso pro comenciantes.
Utilisa le chance pro vermente usar interlingua activemente in bon
compania international. Inscribe te hodie - e lege plus super le
conferentia e le excursiones - per visitar http://www.interlingua.com.
A revider in Svedia iste estate!
Con le optime salutes
le comité organisatori
=====================================================Pro disabonar te del lista, invia un message a
[log in to unmask] con le texto:
UNSUBSCRIBE INTERLNG
o visita le sito del lista:
http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:
http://www.interlingua.com/
=====================================================
|
|
|