I1G xKivA - Re: Sexte emission de Radio Interlingua

[log in to unmask]

(Optime fonte: Courier new 10)

Estimate gentilesseres interlinguistas!

Le sexte emission del Radio Interlingua vermente es
un complimento grandiose. Il es multo agradabile haber
in le cosa nostre, le movimento de interlingua, un tal
experto in le musica popular hungare, romanian e
tsigan.

Io viveva in etate de 16-17 annos (in annos 1952--53)
solitari in un grande casa post que mi patre habeva
morite le 1952-09-09. In iste periodo io trovava le
musica popular de Balkan e Europa del est proque le
emissiones de radio ex iste areas era ben audibile in
le Ostrobothnia finlandese.

Quando io travaliava in Helvetia in 1983--85, io
habeva como collega un filia de un professor de
musica ex Mostar (un croato de Bosnia-Hercegovina).
Illa diceva:

"German and Austrian folk .. . . "Musica popular german e
music is quite harmless but .. . austrian es bastante innocue
there is DEVIL in the Serbian .. sed il ha DIABOLO in le musica
folk music!" . . . . . . . . . . popular serbe!"
- - -
(Tal diceva illa benque le croatos e serbos son
traditionalmente profunde inimicos inter alteres.)

Pro me etiam le musica popular scandinave e finlandese
sona nimis "innocue". Musica popular brillantissime
nos ha audite durante le conferentias del UMI in
Gdansk, Polonia, ubi Petyo Angelov e Milen Shopov
prestava duettos de cantos bulgare e illos de musica
ecclestial proto-slave con bravura incredibile. In le
conferentia del UMI in Lovecz, Bulgaria, nos audiva
i.a. musica divin, cantos popular macedone.
Infortunatemente Petyo Angelov era un convalescente de
pneumonia e cantar haberea essite periculose a su
sanitate. Ben, ille declarava theatralmente:
"IO VOLE MORIR CANTANTE!"

Io ama etiam musica popular hungare.
Interessantemente, quando io travaliava in Helvetia,
nos audiva in le sala de studentes del Universitate de
Zürich un concerto de musica popular hungare. Le
solista principal era Marta Sebestyen, qui era jam
tunc considerate como le primus del musica popular
hungare. Le Google trova 84100 colpas de illa.

**************
UN PROPOSITION
**************

Io crede que il esserea multo bon e importante si on
poterea adder tiam le texto currente al schermo (si
technicamente possibile).

"IO VOLE MORIR AUDIENTE LE MUSICA POPULAR DE PAISES
BALKANIC ...!"

Allan

:::::::::::::::::::::::::::::::::::::::::::::
Kiviaho Allan
SILY - Suomen Interlinguayhdistys ry.
FILF - Föreningen för Interlingua i Finland
AFIL - Association Finlandese pro Interlingua
http://www.interlingua.fi
http://www.interlingua.fi/ceiafil/ceia.htm
- - - - - - - - - - - - - - - - - - - - - - -
ePosta - Sähköposti - eMail, clicca:
http://www.interlingua.fi/kiva.htm
:::::::::::::::::::::::::::::::::::::::::::::

--
Archivos e disabonar: http://listserv.icors.org/archives/INTERLNG.html