At 10:40 +0000 08-05-2007, Josu Lavin wrote:
>Io ha create un nove sito interlng in gruppos de google:
>
>http://groups.google.com/group/interlng
>
>Vos es invitate!

In despecto del facto que Josu Lavin ha nominate iste nove gruppo
"interlng", illo *non* es INTERLNG. Il existe solmente un singule ver
e original gruppo INTERLNG, e illo se trova hic a listserv.icors.org.

Crear un nove gruppo con le mesme nomine non solmente divide le
communitate, ma anque es deceptive al publico, usurpante sin
justification un nomine con un historia de dece annos in nostre
communitate.

Como co-gerente del ver e original INTERLNG, le prime e original
communitate de Interlingua de IALA in Internet, io me distantia
expressemente de iste ultime tentativa de sabotage del latere de Josu
Lavin.

Si il ha dissatisfaction con le limitationes del actual INTERLNG, que
le membros los discute hic in le ver INTERLNG, *sin* fragmentar
nostre communitate. Io sta aperte al suggestiones si on simplemente
los adressa a me.

- Martijn (co-gerente)

--
Archivos e disabonar: http://listserv.icors.org/archives/INTERLNG.html