Piet,
   Tu rationes pro eliminar certe particulas in [ ] in le IED es
pragmatic. Mais tu, qui sape le methodos e principios de constatar
parolas international, debeva haber recognoscite que on pote
examinar le particulas in le varie linguas de controlo, pro detrminar
que es le prototypos.  Tu equalmente haberea discoperite que in
multe casos le tres linguas romance in le linguas de controlo
non produce tres variantes pro un prototypo.  Alora tu haberea
sapite que--justo como in le caso de cercar altere linguas que
le 4 gruppos de linguas angloromance, on debeva cercar germano
e russo, proque iste linguas equalmente contine milles de
parolas romanic que pote junger se con al minus un o duo in le
linguas angloromance--on ha altere linguas, le linguas romance
minor que contine particulas similar a illos in le linguas
romance major. Tu poteva cercar istos pro provider le variante(s)
mancante in le linguas romance major.  Proque esseva tu tanto
timide verso facer isto?  Possibilemente tu non ha sapite le
exacte rationes proque Gode ha includite le particulas in [ ] o
ha usate particulas latin. Mais como un experto in trovar
prototypos, tu poteva haber facite isto.  Ora, proque ha
tu non providite appoio pro mi labores in facer isto?


Stan Mulaik

--
Archivos e disabonar: http://listserv.icors.org/archives/INTERLNG.html